Connect with us

ព័ត៌មានអន្ដរជាតិ

ប្រមុខណាតូ ព្រមានថា ទីក្រុង Bakhmut នឹងធ្លាក់ក្នុងដៃរុស្ស៊ី ត្រឹមប៉ុន្មានថ្ងៃទៀតប៉ុណ្ណោះ

បានផុស

នៅ

អគ្គលេខាធិការអង្គការណាតូ លោក Jens Stoltenberg បានព្រមាននៅថ្ងៃព្រហស្បតិ៍ទី០៩ខែមីនាថា បន្ទាប់ពីការប្រយុទ្ធគ្នាយ៉ាងខ្លាំងក្លាច្រើនខែ ទីក្រុង Bakhmut ភាគខាងកើតប្រទេសអ៊ុយក្រែន អាចនឹងធ្លាក់ក្នុងដៃរុស្ស៊ី នារយៈពេលត្រឹមប៉ុន្មានថ្ងៃខាងមុខប៉ុណ្ណោះ។

អគ្គលេខាធិការអង្គការណាតូ លោក Jens Stoltenberg
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្រមានរបស់លោកកើតឡើង ចំពេលដែលក្រុមទាហានស៊ីឈ្នួល Wagner របស់រុស្ស៊ីដែលដឹកនាំការវាយប្រហារលើទីក្រុង Bakhmut បានអះអាងដណ្តើមយកច្រាំងខាងកើតនៃទីក្រុងឧស្សាហកម្មមួយនេះ។

នៅទីក្រុង ស្តុកខុម នៃប្រទេសស៊ុយអែត, បណ្តារដ្ឋមន្ត្រីសហភាពអឺរ៉ុប កំពុងពិភាក្សាគ្នាអំពីផែនការបង្កើនការផលិតសព្វាវុធ និងប្រញាប់ប្រញាល់បញ្ជូនគ្រាប់រំសេវទៅកាន់ប្រទេសអ៊ុយក្រែន។

អគ្គលេខាធិការអង្គការណាតូ លោក Jens Stoltenberg

លោក Stoltenberg បានប្រាប់អ្នកយកព័ត៌មាននៅខាងក្រៅកិច្ចប្រជុំនោះថា “អ្វីដែលយើងឃើញគឺថា រុស្ស៊ីកំពុងបញ្ជូនទ័ពកាន់តែច្រើន និងកម្លាំងកាន់តែច្រើន”។

ដោយឡែក នៅក្នុងបទសម្ភាសជាមួយទូរទស្សន៍ CNN ប្រធានាធិបតីអ៊ុយក្រែនលោក Volodymyr Zelensky បានព្រមានអំពីអ្វីដែលនឹងកើតឡើងប្រសិនបើទីក្រុង Bakhmut ធ្លាក់ក្នុងដៃកងកម្លាំងរុស្ស៊ី។

លោក Zelensky បាននិយាយនៅក្នុងបទសម្ភាសដែលបានចាក់ផ្សាយកាលពីថ្ងៃពុធថា “យើងយល់ថា បន្ទាប់ពី Bakhmut, កងកម្លាំងរុស្ស៊ី អាចបន្តទៅមុខទៀត ហើយវាយប្រហារទីក្រុងក្បែរៗក្នុងតំបន់ Donetsk។ ពួកគេអាចទៅ Kramatorsk, ពួកគេអាចទៅ Sloviansk។ បន្ទាប់ពីទីក្រុង Bakhmut វានឹងក្លាយជាផ្លូវបើកចំហសម្រាប់រុស្ស៊ី ទៅកាន់ទីក្រុងផ្សេងទៀតក្នុងប្រទេសអ៊ុយក្រែននៅទិសដៅ Donetsk”។

គួរបញ្ជាក់ថា សមរភូមិធំនៅជុំវិញទីក្រុង Bakhmut គឺជាការប្រយុទ្ធមានរយៈពេលវែងបំផុត និងបង្ហូរឈាមខ្លាំងបំផុតនៅក្នុងការវាយលុករបស់រុស្ស៊ី នារយៈពេលជាងមួយឆ្នាំមកនេះ ដែលបានបំផ្លិចបំផ្លាញទឹកដីអ៊ុយក្រែន និងជម្លៀសប្រជាជនរាប់លាននាក់៕

ប្រែសម្រួល៖ Vann Vann

ប្រភព៖ CNA

ចុចអាន៖ អាកាសធាតុនៅភាគខាងកើត អ៊ុយក្រែន ប្រែទៅជាក្ដៅ និងមានភក់ ធ្វើឲ្យ ទ័ព រុស្ស៊ី កំពុងជាប់គាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

KPT+១៦ ម៉ោង មុន

តំបន់កោះដ៏ពេញនិយមសម្រាប់សកម្មភាពកម្សាន្ត របស់​ខេត្តកោះកុង

ព័ត៌មានអន្ដរជាតិ១៩ ម៉ោង មុន

​ត្រាំបញ្ជា​បើក​​ការ​វាយប្រហារ​​ទ្រង់ទ្រាយធំ​លើ​ក្រុម​ហ៊ូធី​​នៅយេម៉ែន​​ បង្ក​ស្លាប់និងរបួស​ជាង​​​១៣០​នាក់​

លៀក លីដា
ជីវិតកម្សាន្ដ១៨ ម៉ោង មុន

លោក លៀក លីដា បង្ហាញបំណងផលិតរឿងបែបប្រវត្តិសាស្រ្ត “អាណាចក្រខ្មែរ និង អាយុធ្យា” ខណៈស្ថិតក្នុងការស្ទង់មតិ

ព័ត៌មានជាតិ១៩ ម៉ោង មុន

ព្រះមហាក្សត្ររាជទានគោរមងា ឋានន្តរស័ក្ដិ ផ្កាយមាស ៥ ជូនសម្ដេច ទៀ បាញ់ និងសម្ដេច ម៉ែន សំអន

ព័ត៌មានអន្ដរជាតិ២ ម៉ោង មុន

រុស្ស៊ី ព្រមានកើតសង្គ្រាមធំ បើណាតូ ដាក់កងរក្សាសន្តិភាពនៅ អ៊ុយក្រែន

Sokha Hotels

ព័ត៌មានពេញនិយម