ឆោឡោ! អ្នកដំណើរម្នាក់ គំរាមសម្លាប់មនុស្សមួយយន្តហោះ

វីដេអូដ៏គួរឲ្យភ្ញាក់ផ្អើលមួយ បានបង្ហាញពីអ្នកដំណើរម្នាក់ ខឹងសម្បានិងគំរាមសម្លាប់មនុស្សទាំងអស់នៅលើយន្តហោះនៃជើងហោះហើររបស់ក្រុមហ៊ុន United Airlines ដែលកំពុងធ្វើដំណើរចេញពីទីក្រុង LA ទៅកាន់ទីក្រុង Boston។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Francisco Severo Torres អាយុ៣៣ឆ្នាំមកពី Leominster នៃរដ្ឋ Massachusetts ត្រូវបានចោទប្រកាន់ថា ប៉ុនប៉ងជ្រៀតជ្រែក និងជ្រៀតជ្រែកជាមួយបុគ្គលិកលើយន្តហោះដោយប្រើអាវុធគ្រោះថ្នាក់ បន្ទាប់ពីគាត់យកស្លាបព្រាចាក់អ្នកបម្រើលើយន្តហោះ។

នៅក្នុងវីដេអូដែលថតដោយអ្នករួមដំណើរ, លោក Torres អាចត្រូវបានគេឮគំរាមសម្លាប់រង្គាល ខណៈអ្នកផ្សេងទៀតព្យាយាមបញ្ឈប់គាត់ ធ្វើឲ្យមនុស្សក្នុងយន្តហោះឆោឡោ។

បុរសរូបនេះ បានក្រោកឡើងចេញពីកៅអីរបស់គាត់ ហើយស្រែកដាក់អ្នកដែលអង្គុយនៅជុំវិញនោះ។ បន្ទាប់មក គាត់បានកាច់បំបាក់ស្លាបព្រា ដើរឆ្ពោះទៅមុខយន្តហោះ ចាក់៣ស្លាបព្រាចំកញ្ចឹងកអ្នកបម្រើលើយន្តហោះ ហើយថែមទាំងព្យាយាមបើកទ្វារគ្រាសន្នរបស់យន្តហោះទៀតផង។

យ៉ាងណាក្តី គេមិនដឹងថាអ្វីជាដើមហេតុ នាំឲ្យបុរសម្នាក់នេះ ធ្វើរឿងបែបនេះឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រថយន្ត បុកគ្នាជាមួយ យន្តហោះ នៅ ប៉េរូ