ធនាគារពាណិជ្ជធំមួយរបស់ អាមេរិក ប្រកាសក្ស័យធន

ធនាគារពាណិជ្ជ Silicon Valley Bank ដែលស្ថិតក្នុងចំណោមធនាគារធំៗទាំង ២០ របស់អាមេរិក ប្រកាសក្ស័យធនភ្លាមៗកាលពីពេលថ្មីៗនេះ ។

ធនាគារ Silicon Valley កាលពីចុងឆ្នាំ​ ២០២២ មានទ្រព្យសម្បត្តិសរុបចំនូន ២០៩ ពាន់លានដុល្លារ ហើយធនាគារនេះ មានប្រាក់បញ្ញើរហូតដល់ ១៥១.៥ ពាន់លានដុល្លារ ដោយក្នុងនោះ គ្រាន់តែអាមេរិកម្នាក់ឯង មានប្រាក់បញ្ញើរហូតដល់ចំនួន ១៣៧.៦ ពាន់លានដុល្លារ​ ខណៈភាគច្រើននៃកម្ចីក្រុមហ៊ុននេះ ត្រូវបានផ្តល់ឲ្យក្រុមហ៊ុនបច្ចេកវិទ្យា និងក្រុមហ៊ុនថែទាំសុខភាពអាមេរិក ។

ចំពោះការក្ស័យធននេះដែរ ធនាគារជាតិអាមេរិក ក៏ដូចជាសហព័ន្ធធានារ៉ាប់រងប្រាក់បញ្ញើសាជីវកម្មអាមេរិក គឺបានជួយធានាសងប្រាក់ដល់អ្នកបញ្ញើក្នុងធនាគារវិញទាំងអស់ ។​

គួរបញ្ជាក់ថា ការក្ស័យធនរបស់ធនាគារ Silicon Valley Bank គឺជាការក្ស័យធនលើកទី ២ ហើយក្នុងប្រព័ន្ធធនាគារអាមេរិក​ បន្ទាប់ពីធនាគារ Washington Mutual បានដួលរលំក្នុងឆ្នាំ ២០០៨ ដោយសារតែវិបត្តិសេដ្ឋកិច្ច ៕

ប្រែសម្រួលដោយ ៖ នាង រតនៈ

ប្រភព ៖​ CNN

ចុចអាន ៖ អាមេរិក ថា ចិន អាចយកឈ្នះលើ តៃវ៉ាន់ ដោយមិនចាំបាច់បាញ់អស់សូម្បី មួយគ្រាប់