អត្រាធ្វើអត្តឃាតរបស់ក្មេង ជប៉ុន អាយុក្រោម ១៨ ឆ្នាំ កើនលើសកំណត់ត្រា​ចាស់

ក្រសួងសុខុមាលភាពប្រទេសជប៉ុនបាននិយាយថា មានមនុស្សចំនួន ២១,៨៨១ នាក់ក្នុងឆ្នាំ ២០២២ បានធ្វើអត្តឃាត​ខ្លួនឯង ដែលតួលេខនេះ​ រួមបញ្ជ្ចូលទាំងកុមារដែលមានអាយុក្រោម ១៨ ឆ្នាផងដែរ ​។

យោងតាមរបាយការណ៍នេះ មានអនីតិជនសរុបចំនួន ៥១៤ នាក់ បានសម្លាប់ខ្លួនឯង រួមមានសិស្សរៀននៅ​វិទ្យាល័យ ចំនួន ៣៥៤, អនុវិទ្យាល័យ​មាន ១៤៣ នាក់ និងកុមារ ១៧ នាក់ផ្សេងទៀតដែលរៀននៅបឋមសិក្សា ក៏បានធ្វើអត្តឃាតដូចគ្នា ។

ទន្ទឹមនោះ វាជាលើកទីមួយហើយដែលតួលេខក្មេងអាយុក្រោម ១៨ ឆ្នាំ​ បានស្លាប់ ពោលកើនលើសពី ៥០០ នាក់ ចាប់តាំងពីទិន្នន័យឆ្នាំ ១៩៨០ មក ។

ដោយឡែក ចំពោះទិន្នន័យអ្នកធ្វើអត្តឃាតសរុបវិញ បានកើនឡើង​ ៤.២ ភាគរយពីឆ្នាំ ២០២១ ។ ចំពោះចំនួនបុរសដែលសម្លាប់ខ្លួនឯងបានកើនឡើងខ្ពស់ដល់ ១៤,៧៤៦ នាក់ក្នុងឆ្នាំនេះ ហើយវាជាលើកដំបូង ចាប់តាំងពី ២០០៩ ខណៈចំនួន​ស្ត្រី​កើន​ឡើង​ក្នុង​រយៈ​ពេល​ ៣ ​ឆ្នាំ​ជាប់​គ្នា ពោលកើនឡើង​រហូត​ដល់ ៧,១៣៥ ​នាក់ ។

បើគិតតាមអាយុវិញ អ្នកដែលមានវ័យ ៥០ ឆ្នាំ​ បានធ្វើអត្តឃាតច្រើនជាងគេ បន្ទាប់មកគឺអ្នកដែលមានអាយុ ៤០ ឆ្នាំ និង ៧០ ឆ្នាំ ៕

ប្រែសម្រួលដោយ ៖ នាង​ រតនៈ

ប្រភព ៖ NHK

ចុចអាន ៖ សពលោក សាដាម ហ៊ូសេន ត្រូវគេគាស់ចេញពីផ្នូរ យកទៅកន្លែងសម្ងាត់ អាថ៌កំបាំងមកដល់សព្វថ្ងៃ