ព័ត៌មានអន្ដរជាតិ

ជប៉ុន បើកខ្សែទូរស័ព្ទបន្ទាន់ភ្ជាប់ជាមួយប្រទេសអាស៊ាន

បានផុស

២ years មុន

នៅ

ថ្ងៃពុធ ១៥ មីនា ២០២៣

ដោយ

ជប៉ុនបានប្រកាសបើកខ្សែទូរស័ព្ទទាន់ហេតុការណ៍ផ្នែកការពារជាតិ ភ្ជាប់ជាមួយសមាជិកនៃសមាគមប្រជាជាតិអាស៊ីអាគ្នេយ៍ ឬហៅកាត់ថា អាស៊ាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងការពារជាតិជប៉ុន លោក Ino Toshiro បានប្រកាសពីការតភ្ជាប់ខ្សែទូរស័ព្ទបន្ទាន់នេះ នៅក្នុងកិច្ចប្រជុំថ្នាក់អនុរដ្ឋមន្ត្រីជាមួយសមភាគីអាស៊ាន និងជាកិច្ចប្រជុំទល់មុខគ្នាជាលើកដំបូងក្នុងរយៈពេល ៤ ឆ្នាំកន្លងមកនេះ ។

លោក Ino បាននិយាយថា ជប៉ុនចង់ជំរុញកិច្ចសហប្រតិបត្តិការលើវិស័យការពារជាតិជាមួយប្រជាជាតិអាស៊ាន ជាពិសេសវិធានការនេះ នឹងជួយសម្រួលដល់ទំនាក់ទំនងរវាងប្រទេសជប៉ុន និងសមាជិកអាស៊ានផងដែរ ។

ទន្ទឹមនោះ ក្រសួងការពារជាតិជប៉ុនក៏បាននិយាយដែរថា ជប៉ុននឹងប្រើប្រាស់បណ្តាញទូរស័ព្ទទាន់ហេតុការណ៍ដើម្បីពង្រឹងទំនាក់ទំនងជាមួយបណ្តាប្រទេសអាស៊ាន នៅពេលដែលប្រទេសចិនបង្កើនឥទ្ធិពលរបស់ខ្លួននៅក្នុងតំបន់ ។

គួរបញ្ជាក់ថា ជប៉ុនជាប្រទេសមិនមែនសមាជិកអាស៊ានដំបូងគេ ដែលបានបើកដំណើរការបណ្ដាញទូរស័ព្ទបន្ទាន់ជាមួយក្រុមប្រទេសដែលសមាជិកទាំង ១០ នេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មកដឹងតម្លៃអគ្គិសនីក្នុងមួយគីឡូវ៉ាត់នៅ ថៃ