Connect with us

ព័ត៌មានអន្ដរជាតិ

វៀតណាម ព្រួយបារម្ភ ក្រោយរកឃើញមនុស្សឆ្លងមេរោគ ពីសត្វជ្រូក

បានផុស

នៅ

កាលពីថ្ងៃអង្គារទី១៤ខែមីនាថា ក្រសួងសុខាភិបាលរបស់ប្រទេសវៀតណាម បានជំរុញឲ្យគ្រឹះស្ថានវេជ្ជសាស្ត្រ មានការប្រុងប្រយ័ត្នខ្ពស់ចំពោះករណីមេរោគ Streptococcus suis ដែលជាបាក់តេរីចេញពីសត្វជ្រូក បន្ទាប់ពីករណីឆ្លងមកមនុស្សមួយចំនួន ត្រូវបានរកឃើញក្នុងរយៈពេលប៉ុន្មានខែកន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីដើមឆ្នាំ២០២៣មក ការឆ្លងមេរោគ streptococcus មួយចំនួន ត្រូវបានកត់ត្រានៅទូទាំងប្រទេស ហើយករណីភាគច្រើនគឺពាក់ព័ន្ធនឹងមនុស្សដែលបរិភោគម្ហូបសាច់ជ្រូក ដូចជាឈាមជ្រូក ឬអ្នកដែលសម្លាប់សត្វជ្រូកជាដើម។

ជារឿយៗ អ្នកជំងឺនេះចេញរោគសញ្ញាធ្ងន់ធ្ងរ ហើយត្រូវការការព្យាបាលរយៈពេលវែង និងមានតម្លៃថ្លៃ។ នៅពេលមនុស្សឆ្លងមេរោគ ជំងឺនេះវិវត្តន៍យ៉ាងឆាប់រហ័ស ដែលនាំទៅដល់ផលវិបាកដូចជា សម្ពាធឈាមចុះទាបខ្លាំង សន្លប់ និងខូចសរីរាង្គជាច្រើន។

នាយកដ្ឋានឱសថបង្ការរបស់ក្រសួង បានអំពាវនាវដល់អាជ្ញាធរសុខាភិបាលនៅថ្នាក់មូលដ្ឋាន ត្រូវពង្រឹងការត្រួតពិនិត្យ ដើម្បីរកឲ្យឃើញករណីសង្ស័យនៃការឆ្លងឲ្យបានឆាប់ និងចាត់វិធានការដើម្បីដោះស្រាយការផ្ទុះឡើង។

ស្របពេលជាមួយគ្នានោះដែរ ប្រជាជនត្រូវបានជំរុញឲ្យចម្អិនសាច់ជ្រូកឲ្យបានត្រឹមត្រូវ ដើម្បីលុបបំបាត់ហានិភ័យដែលអាចកើតមាន ព្រោះថា បច្ចុប្បន្នមិនទាន់មានវ៉ាក់សាំងការពារជំងឺនេះនៅឡើយទេ៕

ប្រែសម្រួល៖ Vann Vann

ប្រភព៖ Straits Times

ចុចអាន៖ វៀតណាម បញ្ជាឲ្យប្រមូលថ្នាំឈឺសន្លាក់មួយប្រភេទ ពីទីផ្សារវិញ ក្រោយរកឃើញ គ្មានគុណភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៨ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៦ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៧ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម