ព័ត៌មានអន្ដរជាតិ
កូរ៉េខាងជើង បាញ់មីស៊ីលទៅសមុទ្រជប៉ុន ចំថ្ងៃនៃកិច្ចប្រជុំ Yoon-Kishida
យោធាកូរ៉េខាងត្បូងបញ្ជាក់ថា ប្រទេសកូរ៉េខាងជើង បានបាញ់មីស៊ីលផ្លោងមួយគ្រាប់ទៀត ឆ្ពោះទៅសមុទ្រជប៉ុននៅព្រឹកថ្ងៃព្រហស្បតិ៍ទី១៦ខែមីនា។

មិនទាន់មានព័ត៌មានលម្អិតណាមួយត្រូវបានបញ្ជាក់នៅឡើយទេ ទាក់ទងនឹងរយៈចម្ងាយ និងរយៈកម្ពស់របស់មីស៊ីល ឬថាតើវាបានបង្កឲ្យមានការខូចខាតអ្វីដែរឬក៏អត់។
យោងតាមយោធាកូរ៉េខាងត្បូង មីស៊ីលផ្លោងមួយគ្រាប់នេះ ត្រូវបានបាញ់ចេញពីតំបន់ Sunan របស់ទីក្រុងព្យុងយ៉ាង នៅម៉ោងប្រហែល ៧:១០ ព្រឹក។

ការបាញ់នេះគឺជាការបាញ់សាកល្បងលើកទីប្រាំមួយ ចាប់តាំងពីដើមឆ្នាំ២០២៣មក ហើយកើតឡើងខណៈប្រធានាធិបតីកូរ៉េខាងត្បូងលោក Yoon Suk Yeol និងនាយករដ្ឋមន្ត្រីជប៉ុន Fumio Kishida រៀបចំកិច្ចប្រជុំកំពូលនៅទីក្រុងតូក្យូ។
ជំនួបរវាងមេដឹកនាំពិភពលោកទាំងពីរនេះ បានលើកឡើងអំពីបញ្ហានានាដែលប្រទេសទាំងពីរកំពុងប្រឈមមុខ ក៏ដូចជាការគំរាមកំហែងពីប្រទេសកូរ៉េខាងជើង ដែលបានបាញ់មីស៊ីលឥតឈប់ឈរ ចំពេលមានសមយុទ្ធយោធានា នៅក្នុងតំបន់។

កិច្ចប្រជុំរយៈពេលពីរថ្ងៃនេះ បានក្លាយជាលើកដំបូងក្នុងរយៈពេលជាង១២ឆ្នាំ ដែលកិច្ចចរចាថ្នាក់ប្រធានាធិបតីទ្វេភាគីរវាងប្រទេសទាំងពីរត្រូវបានធ្វើឡើង។
ថ្វីបើលោក Yoon បានធ្វើទស្សនកិច្ចលើកចុងក្រោយនៅប្រទេសជប៉ុនក្នុងឆ្នាំ២០១៩ក៏ដោយ ប៉ុន្តែការធ្វើដំណើរនោះគឺសម្រាប់កិច្ចប្រជុំកំពូល G20 ប៉ុណ្ណោះ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ កូរ៉េខាងជើង បាញ់មីស៊ីលយុទ្ធសាស្ត្រចេញពីនាវាមុជទឹក គំរាម អាមេរិក និងកូរ៉េខាងត្បូង

-
ព័ត៌មានអន្ដរជាតិ១៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?