សិង្ហបុរី នឹងនាំចូលថាមពលអគ្គិសនីមិនធ្លាប់មានពី កម្ពុជា

អាជ្ញាធរទីផ្សារថាមពលសិង្ហបុរី (EMA) បានប្រកាសកាលពីថ្ងៃព្រហស្បតិ៍ថា ប្រទេសសិង្ហបុរីអាចនឹងនាំចូលថាមពលអគ្គិសនីមិនធ្លាប់មានទំហំ ១ ជីហ្គាវ៉ាត់ពីព្រះរាជាណាចក្រកម្ពុជាក្នុងពេលឆាប់ៗនេះ ។

ចំពោះក្រុមហ៊ុនដែលទទួលការនាំចូលថាមពលអគ្គិសនីពីប្រទេសកម្ពុជានេះដែរ EMA ផ្ដល់សិទ្ធិទៅឲ្យក្រុមហ៊ុន Keppel Energy ហើយវាក៏ជាព្រឹត្តិការណ៍ដ៏សំខាន់មួយផងដែរសម្រាប់មហិច្ឆតារបស់សិង្ហបុរី ក្នុងការនាំចូលអគ្គិសនីដែលមានកាបូនទាបរហូតដល់ ៤ ជីហ្គាវ៉ាត់ត្រឹមឆ្នាំ ២០៣៥” ។

EMA បាននិយាយនៅក្នុងសេចក្តីថ្លែងការណ៍មួយថា ថាមពលអគ្គិសនីដែលត្រូវបញ្ជូនពីកម្ពុជាឆ្ពោះទៅកាន់សិង្ហបុរី នឹងធ្វើឡើងតាមរយៈខ្សែកាបក្រោមសមុទ្រថ្មីៗដែលមានប្រវែង ១,០០០ គីឡូម៉ែត្រ ហើយវានឹងត្រូវបានផលិតជាវារីអគ្គិសនី ថាមពលពន្លឺព្រះអាទិត្យ និងថាមពលខ្យល់ជាដើម ។

គួរបញ្ជាក់ថា សិង្ហបុរី​ស្ថិត​ក្នុង​ចំណោម​ប្រទេស​ដែល​ត្រៀម​ខ្លួន​ក្នុង​ការ​ផ្លាស់​ប្តូរ​ទៅជា​សេដ្ឋកិច្ច​បៃតង ជាពិសេសការកើនឡើងនៃតម្លៃថាមពលនៅឆ្នាំ ២០២២ បានជំរុញឲ្យប្រទេសនេះមានមហិច្ឆតាបញ្ចប់ការពឹងផ្អែករបស់ខ្លួនលើឥន្ធនៈហ្វូស៊ីល ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិន បញ្ជូនកងទ័ពជាង ២០០ នាក់ ចូលរួមសមយុទ្ធ “នាគមាស ២០២៣” នៅ កម្ពុជា (មានវីដេអូ)