Connect with us

ព័ត៌មានអន្ដរជាតិ

លោក បៃដិន ឲ្យដាក់ពិន័យមេធនាគារដែលធ្វើឲ្យក្ស័យធនដួលរលំ

បានផុស

នៅ

ប្រធានាធិបតីសហរដ្ឋអាមេរិកលោក ចូ បៃដិន បាននិយាយថា មេដឹកនាំរបស់ធនាគារដែលដួលរលំ ដោយសារតែការគ្រប់គ្រងមិនត្រូវស្ដង់ដារ និងទទួលយកអតិថិជនទាំងមានហានិភ័យ គួរតែប្រឈមមុខនឹងការដាក់ពិន័យ និងបម្រាមមិនឲ្យធ្វើការនៅក្នុងឧស្សាហ៍កម្មនេះទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះលោក បៃដិន ក៏បានអំពាវនាវឲ្យសភាសម្រួលដល់និយតករដើម្បី “ទាមទារសំណង” ពីមេដឹកនាំនៅឯធនាគារដែលក្ស័យធន ដោយក្នុងនោះរាប់បញ្ចូលទាំងប្រាក់ចំណេញពីការលក់ភាគហ៊ុនផងដែរ ។

ការលើកឡើងរបស់លោក បៃដិន បានកើតឡើង បន្ទាប់ពីធនាគារចំនួន ២ របស់អាមេរិក ដូចជា ធនាគារ Silicon Valley និងធនាគារ Signature Bank បានប្រកាសក្ស័យធន បន្ទាប់ពីអតិថិជននាំគ្នាសម្រុកដកលុយចេញពីធនាគារ ដោយសារតែវិបត្តិសេដ្ឋកិច្ច ។

ទោះជាយ៉ាងណាក៏ដោយ រដ្ឋាភិបាលរបស់លោក ចូ បៃដិន ក៏បានចេញមកជួយសង្គ្រោះដល់អ្នកបញ្ញើក្នុងធនាគារទាំងនោះផងដែរ ខណៈកាលពីពេលថ្មីៗនេះ មេដឹកនាំធនាគារធំៗចំនួន ១១ ផ្សេងទៀតរួមទាំងក្រុមហ៊ុនហិរញ្ញវត្ថុ JP Morgan Chase និងធនាគារ Bank of America ព្រមព្រៀងគ្នាដាក់ប្រាក់ចំនួន ៣០ ពាន់លានដុល្លារ ដើម្បីជួយសង្គ្រោះវិបត្តិមួយនេះ ។

គួរបញ្ជាក់ថា ធនាគារ Silicon Valley ដែលជាធនាគារធំលំដាប់ទី ១៦ នៅអាមេរិកបានប្រកាសបិទទ្វារក្ស័យធនកាលពីថ្ងៃទី១០ មីនា ខណៈ ២ ថ្ងៃក្រោយមក ធនាគារអាមេរិកមួយទៀតឈ្មោះ Signature Bank ក៏ប្រកាសដួលរលំដូចគ្នា ដែលជាការបរាជ័យដ៏ធំបំផុតមួយក្នុងវិស័យធនាគារអាមេរិក ចាប់តាំងពីវិបត្តិហិរញ្ញវត្ថុឆ្នាំ ២០០៨ មក ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ មកដឹង តម្លៃអគ្គិសនីក្នុងមួយគីឡូវ៉ាត់នៅ ឡាវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

មីនតោន
សន្តិសុខសង្គម២៣ ម៉ោង មុន

អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស

ព័ត៌មានអន្ដរជាតិ៦ ម៉ោង មុន

ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់

សន្តិសុខសង្គម២៣ ម៉ោង មុន

របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍

ព័ត៌មានអន្ដរជាតិ២៤ ម៉ោង មុន

អ្នកទោសស្រីជាង១៥០នាក់ ត្រូវបានរំលោភ និងដុតទាំងរស់ ក្នុង​ហេតុការណ៍​ហែកគុក​នៅ​កុងហ្គោ

ព័ត៌មានជាតិ២២ ម៉ោង មុន

បុគ្គលតាំងខ្លួនជាលោក ​ស៊ិន ស៊ីសាមុត​ ចាប់​ជាតិ ត្រូវបានសមត្ថកិច្ចឃាត់ខ្លួនបញ្ជូនទៅតុលាការ ពាក់ព័ន្ធការញុះញង់

Sokha Hotels

ព័ត៌មានពេញនិយម