ព័ត៌មានអន្ដរជាតិ
នៅសុខៗ លោក ត្រាំ ប្រកាសថា គាត់នឹងត្រូវចាប់ខ្លួន ដោយសារហេតុផលតែមួយគត់
ដោយសារតែដឹងព័ត៌មានលេចធ្លាយពីការិយាល័យមេធាវី អតីតប្រធានាធិបតីអាមេរិកលោក ដូណាល់ ត្រាំ បានបង្ហោះលើបណ្តាញ “សច្ចធម៌សង្គម” របស់គាត់កាលពីថ្ងៃសៅរ៍ទី១៨ខែមីនាថា គាត់នឹងត្រូវគេចាប់ខ្លួននៅថ្ងៃអង្គារខាងមុខ។

ខណៈពេលជំរុញឲ្យអ្នកគាំទ្ររបស់គាត់ធ្វើបាតុកម្ម លោក ត្រាំ បានទស្សន៍ទាយ “ដោយសារតែគ្មានឧក្រិដ្ឋកម្មណាមួយអាចបញ្ជាក់បាន ហើយផ្អែកលើរឿងនិទានចាស់ៗ របស់រដ្ឋអាជ្ញាជាច្រើនផ្សេងទៀតនោះ, បេក្ខជនឈានមុខមកពីគណបក្សសាធារណរដ្ឋ និងជាអតីតប្រធានាធិបតីសហរដ្ឋអាមេរិករូបនេះ នឹងត្រូវចាប់ខ្លួននៅថ្ងៃអង្គារសប្តាហ៍ក្រោយ”។
រឿងនេះ គឺពាក់ព័ន្ធការរំលោភហិរញ្ញវត្ថុអំឡុងយុទ្ធនាការឃោសនាបោះឆ្នោតឆ្នាំ២០១៦ ដែលកាលនោះមានការចោទប្រកាន់ថា លោក ត្រាំ បានផ្តល់ប្រាក់បំបិទមាត់ ឲ្យតារាអាសអាភាស Stormy Daniels។

ទោះបីជាយ៉ាងណាក៏ដោយ នៅពេល Fox News ស្នើសុំការអត្ថាធិប្បាយ ការិយាល័យមេធាវី Manhattan លោក Alvin Bragg មិនបញ្ជាក់ ឬបដិសេធថាតើគាត់គ្រោងនឹងចេញដីការមែនឬក៏អត់នោះទេ។
គួរបញ្ជាក់ថា លោក ត្រាំ ត្រូវបានអញ្ជើញឲ្យផ្តល់សក្ខីកម្មនៅចំពោះមុខគណៈវិនិច្ឆ័យធំមួយកាលពីដើមខែនេះ ទាក់ទងនឹងរឿងអាស្រូវ Stormy Daniels ដែលបញ្ហានេះ ត្រូវបានគេបកស្រាយថា អាចឈានទៅដល់ការប្តឹងចោទប្រកាន់។

ប្រសិនបើដូច្នេះមែន គាត់នឹងក្លាយជាអតីតប្រធានាធិបតីអាមេរិកដំបូងគេ ដែលត្រូវបានចោទប្រកាន់ពីបទឧក្រិដ្ឋ ដោយនៅទីបំផុត ភ្នាក់ងារអនុវត្តច្បាប់ជាច្រើននឹងត្រូវពិភាក្សាអំពី “ការរៀបចំសន្តិសុខ”៕
ប្រែសម្រួល៖ Vann Vann
ប្រភព៖ RT
ចុចអាន៖ ដូណាល់ ត្រាំ ជឿថា សង្គ្រាមលោកលើកទី៣ នឹងផ្ទុះឡើង តែមានមនុស្សម្នាក់គត់ អាចរារាំងបាន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ