ព័ត៌មានអន្ដរជាតិ

រុស្ស៊ី ថា ការបញ្ជូនអាវុធរបស់ អាមេរិក ឲ្យទីក្រុងកៀវ គឺប្រៀបដូចជាយកទៅសម្លាប់ប្រជាជន អ៊ុយក្រែន

បានផុស

២ years មុន

នៅ

ថ្ងៃចន្ទ ២០ មីនា ២០២៣

ដោយ

អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានសរសេរនៅលើបណ្ដាញ Telegram ថា ការផ្គត់ផ្គង់សព្វាវុធរបស់រដ្ឋបាលសហរដ្ឋអាមេរិកទៅឲ្យទីក្រុងកៀវ គឺប្រៀបដូចជា សម្លាប់ប្រជាជនអ៊ុយក្រែន និងរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Zakharova បានថ្លែងថា “អស់រយៈពេលជាយូរមកហើយ ទីក្រុងវ៉ាស៊ីនតោនមិនបានអាណិតអាសូរដល់ប្រជាជនអ៊ុយក្រែន ឬរុស្ស៊ីនោះទេ ជាពិសេសគឺប្រជាជនអាមេរិកតែម្ដង ហើយរាល់ការបញ្ជូនសព្វាវុធទៅឲ្យរដ្ឋាភិបាលទីក្រុងកៀវ គឺដូចជាយកអាវុធទាំងនោះទៅបង្ហូរឈាមក្រុមគ្រួសាររបស់ពួកគេ” ។

ការលើកឡើងរបស់អ្នកនាំពាក្យរូបនេះបានកើតឡើង បន្ទាប់ពីអនុរដ្ឋមន្ត្រីការបរទេសអាមេរិកទទួលបន្ទុកកិច្ចការនយោបាយលោកស្រី Victoria Nuland បាននិយាយថា “បេះដូងរបស់អាមេរិកបានបូជាសម្រាប់ប្រជាជនអ៊ុយក្រែន ប៉ុន្តែយើងក៏បង្ហូរឈាមសម្រាប់គ្រួសាររុស្ស៊ីទាំងអស់ផងដែរ” ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការសឹកមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាអូសបន្លាយពេលជាង ១ ឆ្នាំហើយ ។

បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី ជាពិសេសរដ្ឋបាលរបស់លោក ចូ បៃដិន បានប្រកាសបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕