ព័ត៌មានអន្ដរជាតិ

អស់ពីរុស្ស៊ី, លោក Zelensky ដាក់ទណ្ឌកម្មមេដឹកនាំប្រទេសមួយទៀត

បានផុស

២ years មុន

នៅ

ថ្ងៃចន្ទ ២០ មីនា ២០២៣

ដោយ

ប្រធានាធិបតីអ៊ុយក្រែនលោក Volodymyr Zelensky បានប្រកាសដាក់ទណ្ឌកម្មប្រឆាំងនឹងមេដឹកនាំស៊ីរីលោក Bashar Assad ខណៈកន្លងមករដ្ឋាភិបាលទីក្រុងកៀវក៏ធ្លាប់បានដាក់ទណ្ឌកម្មស្រដៀងគ្នានេះទៅលើរុស្ស៊ីផងដែរ ពាក់ព័ន្ធប្រតិបត្តិការសឹកនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកសារដែលបានបង្ហោះចូលទៅក្នុងគេហទំព័ររបស់ប្រធានាធិបតីកាលពីពេលថ្មីៗនេះបញ្ជាក់ច្បាស់ថា លោក Assad គឺជាបុគ្គលដ៏សំខាន់មួយទៀតរបស់ប្រធានាធិបតីអ៊ុយក្រែន ក្នុងការទប់ស្កាត់ ក៏ដូចជាបង្កកទ្រព្យសម្បត្តិ និងវិធានការមួយចំនួនទៀត ។

ទណ្ឌកម្មនេះក៏ត្រូវបានដាក់លើបុគ្គលចំនួន ៣០០ នាក់ និងនីតិបុគ្គល ១៤១ ដែលភាគច្រើនជាពលរដ្ឋរុស្ស៊ី ។ បញ្ជីឈ្មោះនោះរួមមានទាំងនាយករដ្ឋមន្ត្រីស៊ីរីលោក Hussein Arnous, រដ្ឋមន្ត្រីការបរទេសលោក Faisal Miqdad និងពលរដ្ឋអ៊ីរ៉ង់មួយចំនួនផងដែរ ។

ក្នុងចំណោមនីតិបុគ្គលដែលជាប់ក្នុងបញ្ជីខ្មៅនេះ មានសហគ្រាសស្រាវជ្រាវ និងផលិត, ក្រុមហ៊ុនផលិតកប៉ាល់ និងក្រុមហ៊ុនឧស្សាហកម្មអាកាសចរណ៍របស់រុស្ស៊ី រួមទាំងក្រុមហ៊ុន Kalashnikov និង Almaz-Antey ក៏ដូចជា រោងចក្រ Ural ផងដែរ ។

គួរបញ្ជាក់ថា ទណ្ឌកម្មនេះផ្ដោតសំខាន់លើការបង្កកទ្រព្យសកម្ម ការរឹតត្បិតពាណិជ្ជកម្ម ការហាមប្រាមការចូលរួមក្នុងការធ្វើឯកជនភាវូបនីយកម្មក្នុងប្រទេសអ៊ុយក្រែន ការព្យួរកាតព្វកិច្ចសេដ្ឋកិច្ច និងហិរញ្ញវត្ថុជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ រុស្ស៊ី ថា ការបញ្ជូនអាវុធរបស់ អាមេរិក ឲ្យទីក្រុងកៀវ គឺប្រៀបដូចជាយកទៅសម្លាប់ប្រជាជន អ៊ុយក្រែន