ថៃ​ នឹង​សាងសង់​អាកាសយានដ្ឋាន​ថ្មី​ចំនួន ៧ កន្លែង​

នាយកដ្ឋានអាកាសយានដ្ឋាន (DOA) គ្រោងនឹងចំណាយប្រាក់ចំនួន៥០ពាន់លានបាត លើការអភិវឌ្ឍព្រលានយន្តហោះក្នុងតំបន់ថ្មីចំនួន៧ នៅប្រទេសថៃ គឺក្នុងខេត្ត Nakhon Pathom, Bueng Khan, Mukdahan, Kalasin, Phayao, Phatthalung និង Satun។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានចង់ជំរុញការតភ្ជាប់ និងផ្តល់ជម្រើសការធ្វើដំណើរបន្ថែមទៀត សម្រាប់ប្រជាជនថៃ និងភ្ញៀវទេសចរបរទេស។

គម្រោងអាកាសយានដ្ឋានថ្មីនៅជុំវិញទីតាំងដែលមិនសូវគេស្គាល់របស់ប្រទេសថៃ ត្រូវប្រឈមការជាប់គាំងដោយសារជំងឺរាតត្បាត ប៉ុន្តែបច្ចុប្បន្ន ដំណើរការ មានភាពល្អប្រសើរឡើងវិញហើយ។

ខាងក្រោមនេះគឺជាតម្លៃនៃការចំណាយសាងសង់របស់អាកាសយានដ្ឋាននីមួយៗ

1. អាកាសយានដ្ឋានក្នុងខេត្ត Nakhon Pathom ចំណាយ ២៥ពាន់លានបាត
2. អាកាសយានដ្ឋានក្នុងខេត្ត Bueng Kan ចំណាយ ៣.១ពាន់លានបាត
3. អាកាសយានដ្ឋានក្នុងខេត្ត Mukdahan ចំណាយ ៥ពាន់លានបាត
4. អាកាសយានដ្ឋានក្នុងខេត្ត Satun ចំណាយ ៤.១ពាន់លានបាត
5. អាកាសយានដ្ឋានក្នុងខេត្ត Kalasin ចំណាយ ២ពាន់លានបាត
6. អាកាសយានដ្ឋានក្នុងខេត្ត Phayao ចំណាយ ៤.៤ពាន់លានបាត
7. អាកាសយានដ្ឋានក្នុងខេត្ត Phatthalung ចំណាយ ៣ពាន់លានបាត៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ រំលាយ សភា មុន ការ បោះឆ្នោត សកល ខែ ឧសភា