មនុស្សជាង ៤ម៉ឺននាក់ ស្លាប់ដោយសារគ្រោះរាំងស្ងួតធ្ងន់ធ្ងរនៅប្រទេស សូម៉ាលី

របាយការណ៍ថ្មីមួយបង្ហាញថា មនុស្សប្រហែល ៤៣០០០នាក់បានស្លាប់ ចំពេលគ្រោះរាំងស្ងួតយូរបំផុតក្នុងកំណត់ត្រានៅប្រទេសសូម៉ាលីកាលពីឆ្នាំមុន ហើយពាក់កណ្តាលនៃពួកគេគឺជាកុមារអាយុក្រោម៥ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជាចំនួនមនុស្សស្លាប់ផ្លូវការដំបូងបំផុត ដែលត្រូវបានប្រកាសនៅក្នុងគ្រោះរាំងស្ងួតដែលវាយប្រហារផ្នែកដ៏ធំនៃទ្វីបអាហ្រ្វិក។

ស្របពេលជាមួយគ្នានោះដែរ មនុស្សយ៉ាងតិច ១៨០០០នាក់ ត្រូវបានគេព្យាករថា នឹងស្លាប់ក្នុងរយៈពេលប្រាំមួយខែដំបូងនៃឆ្នាំនេះ។

សូម៉ាលី និងប្រទេសជិតខាងដូចជា អេត្យូពី និង កេនយ៉ា កំពុងប្រឈមមុខនឹងគ្រោះរាំងស្ងួតធ្ងន់ធ្ងររយៈពេលប្រាំមួយជាប់ៗគ្នា ខណៈការកើនឡើងនៃតម្លៃស្បៀងអាហារពិភពលោក បានចោទជាបញ្ហាស្មុគស្មាញដល់វិបត្តិអត់ឃ្លាន។

លើសពីនេះ គ្រោះរាំងស្ងួតជាប្រវត្តិសាស្រ្ត ក៏បានបង្កឲ្យមានគ្រោះទុរ្ភិក្សធ្ងន់ធ្ងរនៅក្នុងតំបន់ និងការផ្ទុះឡើងនៃជំងឺនានា ដូចជាជំងឺអាសន្នរោគ ផងដែរ៕

ប្រែសម្រួល៖ Vann Vann

ប្រភព៖ RT, Africa News

ចុចអាន៖ ភាគខាងជើងប្រទេសអ៊ីតាលី ប្រកាសអាសន្ន គ្រោះរាំងស្ងួត