អ្នកវិទ្យាសាស្រ្ត រកឃើញវិធី ធ្វើឲ្យមនុស្សមានជីវិត អមតៈ (មានវីដេអូ)

អតីតវិស្វករក្រុមហ៊ុន Google ដែលការទស្សន៍ទាយ១៤៧លើករបស់គាត់មានអត្រាត្រឹមត្រូវ៨៦% ពេលនេះបានចេញមុខអះអាងថា មនុស្សនឹងមានជីវិតអមតៈក្នុងរយៈពេល៧ឆ្នាំទៀត។

លោក Ray Kurzweil បាននិយាយបែបនេះជាមួយឆានែល YouTube “Adagio” ដោយពិភាក្សាអំពីការពង្រីកហ្សែន បច្ចេកវិទ្យាណាណូ និងមនុស្សយន្ត ដែលគាត់ជឿថា នឹងនាំទៅរកការបង្កើតមនុស្សយន្តតូចល្អិត អាចផ្លាស់ប្តូរអាយុមនុស្សបាន។

ទាក់ទងនឹងការអះអាងខាងលើ អ្នកវិទ្យាសាស្រ្តបានគូសបញ្ជាក់ថា បានរកឃើញវិធីធ្វើឲ្យមនុស្សមានជីវិតអមតៈ ហើយវិធីនោះគឺ បញ្ជូនមនុស្សយន្តតូចៗ ឲ្យចូលទៅជួសជុលកោសិកានិងជាលិកាខូចៗក្នុងខ្លួនមនុស្ស នៅពេលរាងកាយមនុស្សកាន់តែចាស់ទ្រុឌទ្រោម ហើយវាធ្វើឲ្យយើងមានភាពស៊ាំទៅនឹងជំងឺនានាដូចជាមហារីកជាដើម។

យ៉ាងណាមិញ ក្តីរំពឹងអំពីការសម្រេចជីវិតអមតនៅត្រឹមឆ្នាំ២០៣០ កំពុងធ្វើឲ្យពិភពលោកមានក្តីរំភើបផង និងមន្ទិលសង្ស័យផង ដោយសារតែជំងឺឆ្លងសាហាវនៅតែបន្តលេចឡើង។

ទោះបីជាយ៉ាងណាក៏ដោយ ឥឡូវ អ្នកវិទ្យាសាស្រ្តរូបនេះជឿជាក់ថា បច្ចេកវិទ្យាបែបនេះនឹងមានឥទ្ធិពលកាន់តែខ្លាំង ដែលវានឹងជួយមនុស្សឲ្យរស់នៅបានជារៀងរហូត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្រ្ត ចង្អុលទៅកត្តាម្យ៉ាង អាចបង្កឲ្យមានជំងឺរាតត្បាត ថ្មីៗ