ព័ត៌មានអន្ដរជាតិ
ប្ដីប្រពន្ធមួយគូនៅ ម៉ាឡេស៊ី ពុលត្រីកំពត បន្ទាប់ពីទទួលទានលើកដំបូង
លោកយាយវ័យ ៨៣ ឆ្នាំម្នាក់នៅទីក្រុង Kluang រដ្ឋ JOHOR BAHRU នៃប្រទេសម៉ាឡេស៊ី បានស្លាប់ភ្លាមៗដោយសារពុលត្រីកំពត ខណៈប្ដីរបស់គាត់កំពុងសង្គ្រោះបន្ទាន់នៅឯមន្ទីរពេទ្យ ។

កាលពីថ្ងៃអង្គារ ទី២៨ ខែមីនា ទីភ្នាក់ងារសារព័ត៌មានរដ្ឋ Bernama លោក Ling Tian Soon បានរាយការណ៍ថា ប្តីប្រពន្ធមួយគូទិញត្រីកំពតតាមហ្វេសប៊ុកដើម្បីសាកទទួលទានលើកដំបូង ស្រាប់តែពុលទាំងពីរនាក់ដល់ថ្នាក់ស្លាប់ស្ត្រីជាភរិយា និងប្ដីចូលបន្ទប់សង្គ្រោះបន្ទាន់ ។
លោក Ling បញ្ជាក់ទៀតថា ប្ដីប្រពន្ធមួយគូនេះហូបត្រីអស់ប្រហែលម៉ោង ៣ រសៀលនៅថ្ងៃសៅរ៍ ក្រោយមកគាត់ចាប់ផ្ដើមបញ្ចេញអាការពុលដូចជា ញ័រខ្លួន និងដង្ហើមខ្លីៗជាដើម ។

ជនរងគ្រោះត្រូវកូនៗបញ្ជូនទៅមន្ទីរពេទ្យនៃទីក្រុង Kluang មិនយូរប៉ុន្មានលោកយាយក៏លាចាកលោកនាវេលាម៉ោង ៧ យប់ក្នុងថ្ងៃដដែលនោះទៅ។ ជាមួយគ្នានេះដែរក្នុងចំណោមត្រី ១៥ គីឡូដែលអតិថិជន ៤ នាក់ទិញ មានតែលោកតាលោកយាយប៉ុណ្ណោះបានបរិភោគ ក្រៅពីនេះគេមិនទាន់ទទួលទាននៅឡើយទេទើបគ្មានបញ្ហា ។

យោងទៅតាមរដ្ឋបាលចំណីអាហារ និងឱសថអាមេរិក (FDA), ត្រីកំពតមានផ្ទុកសារធាតុពុល Tetrodotoxin និង Saxitoxin ដែលអាចបង្កគ្រោះថ្នាក់ដល់ជីវិត ហើយសូម្បីការបង្កក ឬចម្អិនក៏មិនអាចបន្សាបជាតិពុលរបស់ត្រីនេះបានដែរ៕
ចុចអាន ៖ ពុលចំណីអាហារ ហាមធ្វើរឿងនេះដាច់ខាត អាចប៉ះពាល់ពោះវៀនកាន់តែខ្លាំង

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ