អ្នកវិទ្យាសាស្រ្ត រកឃើញ Black Hole មានម៉ាសធំជាងព្រះអាទិត្យ ៣០ពាន់លានដង (មានវីដេអូ)

ក្រុមតារាវិទូបានប្រើបច្ចេកទេសថ្មី រកឃើញប្រហោងខ្មៅ (Black Hole) ដ៏ធំបំផុតមួយរបស់ចក្រវាល។

លោកវេជ្ជបណ្ឌិត James Nightingale នៅសាកលវិទ្យាល័យ Durham នៃប្រទេសអង់គ្លេស ដែលដឹកនាំការសិក្សានេះនិយាយថា Black Hole នេះមានម៉ាសធំជាងព្រះអាទិត្យ ៣០ ពាន់លានដង ហើយប្រហោងខ្មៅនេះ ធំជាងកាឡាក់ស៊ីភាគច្រើននៅក្នុងសកលលោកទៅទៀត ។

លោកនិយាយថា “ប្រសិនបើអ្នកងើយមើលមេឃពេលយប់ ហើយរាប់ផ្កាយ និងភពទាំងអស់ដែលអ្នកអាចមើលឃើញ ហើយដាក់វានៅក្នុងចំណុចតែមួយ វានឹងស្មើត្រឹមតែមួយភាគរយប៉ុណ្ណោះនៃទំហំរបស់ប្រហោងខ្មៅនេះ”។

គួរបញ្ជាក់ថា ការ​រក​ឃើញ​នេះ​ត្រូវ​បាន​ចុះ​ផ្សាយ​ក្នុង​ទស្សនាវដ្តី Monthly Notices of Royal Astronomical Society ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ត្រៀមខ្លួន! ព្យុះព្រះអាទិត្យ កំពុងបោះពួយសំដៅមកផែនដី វាយប្រហារមនុស្សលោក