ព័ត៌មានអន្ដរជាតិ
ឥណ្ឌូនេស៊ីរងទុក្ខផ្ទួនៗ ភ្នំភ្លើងដ៏ធំមួយកំពុងផ្ទុះលើកោះ ជ្វា
ភ្នំភ្លើង Semeru របស់ប្រទេសឥណ្ឌូនេស៊ីបានផ្ទុះ ដោយព្រួសផេះនិងបញ្ចេញផ្សែងឡើងលើមេឃកម្ពស់ប្រហែល៥.៦គីឡូម៉ែត្រនៅលើកោះជ្វា ដែលជាកោះមានប្រជាជនរស់នៅច្រើនបំផុតរបស់ប្រទេស។
រហូតមកដល់ពេលនេះ គ្មានការបញ្ជាជម្លៀសហើយពុំមានសេចក្តីរាយការណ៍អំពីគ្រោះថ្នាក់ដល់អាយុជីវិតមនុស្សឡើយ។
ទីភ្នាក់ងារកាត់បន្ថយគ្រោះមហន្តរាយជាតិ (NDMA) បានព្រមានអ្នកភូមិដែលរស់នៅលើជម្រាលភ្នំ ឲ្យប្រុងប្រយ័ត្នចំពោះសកម្មភាពភ្នំភ្លើងដែលកំពុងបន្ត។
មន្ត្រីក្នុងតំបន់លោក Thoriqul Haq បាននិយាយកាលពីថ្ងៃសៅរ៍ថា “ភូមិ Sumber Mujur និង Curah Koboan ក្នុងក្រុង Lumajang គឺមានទីតាំងចំគន្លងនៃពពកក្តៅ”។
អាជ្ញាធរបាននិយាយថា ភ្នំភ្លើង Semeru បានផ្ទុះឡើងនៅម៉ោងប្រហែល១៧និង២៤នាទីល្ងាច (ម៉ោងក្នុងស្រុក)។
Semeru ដែលក៏ត្រូវបានគេស្គាល់ផងដែរថាជា “ភ្នំដ៏អស្ចារ្យ” គឺជាភ្នំភ្លើងខ្ពស់បំផុតនៅកោះជ្វានិងជាភ្នំមួយដែលសកម្មបំផុត។ វាក៏ជាទិសដៅទេសចរណ៍ឡើងភ្នំ ដ៏ពេញនិយមបំផុតមួយរបស់ឥណ្ឌូនេស៊ីផងដែរ។
ភ្នំភ្លើងនេះបានផ្ទុះចុងក្រោយបំផុតកាលពីខែធ្នូ នៅពេលមនុស្សប្រមាណ៥៥០នាក់ត្រូវបានជម្លៀសចេញ។
ក្នុងរយៈពេលមួយសប្តាហ៍ចុងក្រោយនេះ ប្រទេសឥណ្ឌូនេស៊ីត្រូវរងទុក្ខផ្ទួនៗ ដូចជាការបាក់ដីជាច្រើនកន្លែង, ការរញ្ជួយដីដ៏សាហាវនៅលើកោះ Sulawesi និងការធ្លាក់យន្តហោះ Boeing 737 របស់ក្រុមហ៊ុនអាកាសចរណ៍ Sriwijaya Air៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ ប្រជាជនឥណ្ឌូនេស៊ីរាប់ពាន់នាក់ជម្លៀសខ្លួន បន្ទាប់ពីផ្ទុះភ្នំភ្លើង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ