កូឡុំប៊ី ត្រូវចំណាយប្រាក់រាប់លានដុល្លារ ដឹកជញ្ជូនដំរីទឹករបស់ស្ដេចគ្រឿងញៀនទៅបរទេស

ប្រទេសកូឡុំប៊ី បាននិយាយថា ផែនការផ្ទេរសត្វដំរីទឹកចំនួន ៧០ ក្បាលទៅកាន់ទីជម្រកនៅក្រៅប្រទេសនឹងត្រូវចំណាយអស់ ៣.៥ លានដុល្លារ ។

ស្ដេចគ្រឿងញៀន Pablo Escobar ដែលត្រូវបានបាញ់សម្លាប់ដោយប៉ូលិសក្នុងឆ្នាំ ១៩៩៣ បាននាំចូលសត្វកម្រ និងដោយខុសច្បាប់ចូលមកក្នុងប្រទេស រួមទាំងសត្វដំរីទឹកជាច្រើនក្បាលផងដែរក្នុងទសវត្សរ៍ឆ្នាំ ១៩៨០ ។

បន្ទាប់ពីគាត់ត្រូវគេបាញ់សម្លាប់ក្នុងឆ្នាំ ១៩៩៣ ដំរីទឹកទាំងអស់បានរួចខ្លួនមករស់នៅទីជនបទដោយសេរីភាពក្បែរកសិដ្ឋានចាស់របស់គាត់ ។ហើយគេជឿជាក់ថាបច្ចុប្បន្ន ដំរីទឹកសរុបមានចំនួន ១៥០ ក្បាល ហើយជាហ្វូងធំបំផុតលើពិភពលោកនៅខាងក្រៅទ្វីបអាហ្វ្រិក ។

អាជ្ញាធរសង្ឃឹមថា នឹងផ្ទេរសត្វដំរីទឹកមួយចំនួនក្នុងប៉ុន្មានខែខាងមុខនេះដោយ ១០ ក្បាល ទៅប្រទេសម៉ិកស៊ិក និង ៦០ ក្បាលទៅឥណ្ឌា ៕

ប្រភព ៖ BBC

ចុចអាន ៖ គយគន់សម្រស់ដង្កូវនៅ អាមេរិក មុន និងក្រោយប្រែក្លាយជាមេអំបៅ ៥ ប្រភេទ