ជប៉ុន ចេញច្បាប់ថ្មីលើកទឹកចិត្តដល់គ្រួសារឲ្យបង្កើនការយកកូន

​ស្ថានភាពអត្រាកំណើតថ្មីនៅជប៉ុន​​ កំពុងតែជួបប្រទះធ្ងន់ធ្ងរបំផុតដែលជាក្តីបារម្ភសម្រាប់ប្រទេសជប៉ុន ។​ ដើម្បីគាំទ្រឲ្យមានអត្រាកំណើតខ្ពស់ រដ្ឋាភិបាលបានចេញច្បាប់ថ្មីលើកទឹកចិត្តដល់គ្រួសារនៅក្នុងប្រទេសឲ្យបង្កើនការយកកូន និងបង្កើតកូន ដែលនឹងអនុវត្តន៍ក្នងរយៈពេល ៣ ឆ្នាំ​ ចាប់ពីខែមេសា ឆ្នាំ ​២០២៤ តទៅ ។

ចំពោះច្បាប់ថ្មីនេះ រួមមានការលុបចោលដែនកំណត់ប្រាក់ចំណូលលើប្រាក់ឧបត្ថម្ភរបស់រដ្ឋាភិបាលសម្រាប់ឪពុកម្តាយ ហើយការចំណាយដល់គ្រួសារ នឹងត្រូវបន្តរហូតដល់កុមារបានបញ្ចប់ការសិក្សានៅវិទ្យាល័យ ។

ទន្ទឹមនឹងនោះ គុណភាពនៃការថែទាំកុមារនៅមណ្ឌលថែទាំកុមារ និងកន្លែងផ្សេងទៀត នឹងត្រូវបានកែលម្អ ដោយកំណត់ចំនួនកុមារ​សម្រាប់អ្នកមើលថែ​នីមួយៗងាយស្រួលទទួលខុសត្រូវ ។ ​

លោករដ្ឋមន្ត្រីទទួលបន្ទុកលើវិធានការពន្យារកំណើតលោក Ogura Masanobu មានប្រសាសន៍ថា រដ្ឋាភិបាលត្រូវតែប្រឹងប្រែងឲ្យអស់ពីសមត្ថភាពដើម្បីដោះស្រាយបញ្ហានេះក្នុងរយៈពេល ៣ ឆ្នាំ ។ ដូចគ្នានេះ រដ្ឋាភិបាល​ក៏គ្រោង​នឹង​បង្កើតគម្រោង​ថវិកា​សម្រាប់​សំណើ​នៅ​ខែ​មិថុនានេះផងដែរ ។

គួរបញ្ជាក់ថា អត្រាកំណើតជប៉ុន កំពុងធ្លាក់ចុះក្នុងល្បឿនលឿនជាងការរំពឹងទុកទៅទៀត ដោយមានតិចជាង ៨០ ម៉ឺននាក់ កាលពីឆ្នាំមុន ៕

ប្រែសម្រួលដោយ ៖ នាង​ រតនៈ

ប្រភព ៖ NHK

ចុចអាន ៖ អ្នកកាសែតអន្តរជាតិ ចែករំលែកវិធីប្រយុទ្ធប្រឆាំងព័ត៌មានក្លែងក្លាយ