ហ្វាំងឡង់ រៀបចំការបោះឆ្នោតថ្នាក់ជាតិ នៅថ្ងៃនេះ

ប្រទេសហ្វាំងឡង់នៅថ្ងៃអាទិត្យនេះ កំពុងរៀបចំការបោះឆ្នោតថ្នាក់ជាតិ ដើម្បីជ្រើសរើសតំណាងរាស្រ្តចំនួន ២០០រូប សម្រាប់បង្កើតរដ្ឋាភិបាលថ្មី។

ពុំមានកម្រិតបោះឆ្នោតសម្រាប់គណបក្សណាមួយចូលក្នុងសភារបស់ប្រទេសហ្វាំងឡង់នោះទេ ប៉ុន្តែគណបក្សនីមួយៗត្រូវតែទទួលបានសំឡេងឆ្នោតយ៉ាងតិច ២% ដើម្បីទទួលបានអត្ថប្រយោជន៍ពីជំនួយរតនាគារ។ ក្នុងនោះបេក្ខជនសរុបចំនួន ២,៤២៤នាក់ មកពីគណបក្សនយោបាយចំនួន ២២ កំពុងប្រជែងគ្នាដណ្តើមយកអាសនៈនៅ Eduskunta ដែលជាសភាឯកបក្សរបស់ប្រទេស Nordic។

ពលរដ្ឋហ្វាំងឡង់គ្រប់រូបដែលមានអាយុចាប់ពី ១៨ឆ្នាំឡើងទៅ អាចចូលរួមបោះឆ្នោតបាននៅការិយាល័យបោះឆ្នោតប្រហែល ២,០០០កន្លែង ដែលបាននិងកំពុងបើកដំណើរការនៅចន្លោះម៉ោង ៩ព្រឹក ដល់ម៉ោង ៨យប់ ម៉ោងក្នុងស្រុក។

ប្រទេស​ហ្វាំងឡង់​ត្រូវ​បាន​បែង​ចែក​ជា ១៣ស្រុក​ ក្នុងការរៀបចំ​ការ​បោះ​ឆ្នោត ហើយ​ចំនួន​អ្នក​តំណាង​ដែល​ជាប់​ឆ្នោត​មក​ពី​ស្រុក​នីមួយៗ​នឹង​មាន​សមាមាត្រ​នឹង​ចំនួន​ប្រជាជន​របស់​ស្រុក។ ចំពោះលទ្ធផល​បោះឆ្នោត​សភា​នឹង​ត្រូវ​ប្រកាស​នៅ​ថ្ងៃ​ពុធសប្ដាហ៍នេះ៕

ប្រែសម្រួល៖ សន្យា

ប្រភព៖ Anadolu

ចុចអាន៖ ធ្លាយព័ត៌មាន បង្ហាញ អ្នកឡើងកាន់តំណែងជាប្រមុខអង្គការណាតូ បន្ទាប់ពីលោក Stoltenberg