វីដេអូ បង្ហាញព័ស្តុតាងថា ការស្លាប់របស់អ្នកសរសេរប្លុកយោធារុស្ស៊ី គឺជាករណីឃាតកម្ម

អាជ្ញាធរនិយាយថា ការសម្លាប់អ្នកសរសេរប្លុកយោធារុស្ស៊ី Vladlen Tatarsky កំពុងត្រូវបានស៊ើបអង្កេតថាជា “ករណីឃាតកម្មកម្រិតខ្ពស់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tatarsky ដែលជាអ្នកគាំទ្រសង្គ្រាមរុស្ស៊ីនៅអ៊ុយក្រែន បានស្លាប់ក្នុងការផ្ទុះនៅហាងកាហ្វេនៃទីក្រុង St Petersburg កាលពីល្ងាចថ្ងៃអាទិត្យទី០២ខែមេសា។

ស្របពេលជាមួយគ្នានោះ ក្រសួង​សុខាភិបាល​​និយាយ​ថា មនុស្សចំនួន ២៤នាក់​ផ្សេង​ទៀត​ ត្រូវ​បាន​​បញ្ជូន​ទៅ​មន្ទីរពេទ្យ ដោយក្នុងនោះមាន៦នាក់​ស្ថិត​ក្នុង​ស្ថានភាព​ធ្ងន់ធ្ងរ។

គេទោះបីជាយ៉ាងណាក៏ដោយ គេ​មិន​ទាន់​ដឹង​ច្បាស់​ថាតើ​នរណា​ ជា​អ្នក​ទទួល​ខុស​ត្រូវ​ចំពោះ​ការ​វាយ​ប្រហារ​នេះទេ។

គណៈកម្មាធិការស៊ើបអង្កេតរុស្ស៊ី ដែលជាទីភ្នាក់ងារស៊ើបអង្កេតឧក្រិដ្ឋកម្មកំពូលរបស់ប្រទេស បានបើកការស៊ើបអង្កេតលើអ្វីដែលខ្លួនពិពណ៌នាថាជា “ករណីឃាតកម្មកម្រិតខ្ពស់” ខណៈក្រុមជំនាញផ្នែកឧក្រិដ្ឋកម្ម ​ត្រូវ​បាន​បញ្ជូន​ទៅ​កន្លែង​កើត​ហេតុ​។​

យោងតាមប្រភពផ្លូវការដែលដកស្រង់ដោយប្រព័ន្ធផ្សព្វផ្សាយរដ្ឋរុស្ស៊ី បានបង្ហាញព័ស្តុតាងថា លោក Tatarsky ត្រូវបានគេប្រគល់កាដូរូបសំណាក ដែលមានគ្រាប់បែកលាក់នៅខាងក្នុងនោះ៕

សូមទស្សនាវីដេអូ៖

ប្រែសម្រួល៖​ Vann Vann

ប្រភព៖ BBC

ចុចអាន៖ តើអ្នកសរសេរប្លុកយោធារុស្ស៊ី ដែលស្លាប់ក្នុងការបំផ្ទុះនៅហាងកាហ្វេ គឺជានរណា?