ព័ត៌មានអន្ដរជាតិ
ប៉ូលិសចូលឆែកឆេរ ទីស្នាក់ការគណបក្សធំបំផុតរបស់ សហភាពអឺរ៉ុប
កាលពីថ្ងៃអង្គារទី០៤ខែមេសា មន្ត្រីប៉ូលិសបែលហ្ស៊ិក និងអាល្លឺម៉ង់ បានឆ្មក់ចូលទីស្នាក់ការកណ្តាលរបស់គណបក្សប្រជាជនអឺរ៉ុប (EPP) ក្នុងទីក្រុងព្រុចសែល ជុំវិញការស៊ើបអង្កេតអំពើពុករលួយ។
គណបក្សបានចេញសេចក្តីថ្លែងការណ៍ថា “ការឆែកឆេរនេះ ត្រូវបានភ្ជាប់ទៅនឹងការស៊ើបអង្កេតដែលកំពុងបន្តនៅក្នុងរដ្ឋ Thuringia នៃប្រទេសអាល្លឺម៉ង់។ គណបក្សកំពុងសហការ ជាមួយអាជ្ញាធរពាក់ព័ន្ធ ដោយផ្តល់ព័ត៌មាន និងឯកសារចាំបាច់ទាំងអស់”។
គណបក្សបន្តថា ខ្លួននឹងមិនផ្តល់ការអត្ថាធិប្បាយបន្ថែមទៀតទេ ដោយសារតែការចុះទៅពិនិត្យរបស់ប៉ូលិស គឺទាក់ទងនឹងការស៊ើបអង្កេតផ្លូវច្បាប់ដែលកំពុងបន្ត។
ស្របពេលជាមួយគ្នានោះ គេហទំព័រព័ត៌មាន Euractiv បានរាយការណ៍ថា កុំព្យូទ័រជាច្រើនគ្រឿងត្រូវបានរឹបអូសក្នុងអំឡុងពេលឆែកឆេរ ហើយការស៊ើបអង្កេតគឺផ្តោតលើលោក Mario Voigt ដែលជាមេដឹកនាំគណបក្សនយោបាយ CDU នៅរដ្ឋ Thuringia។
លោក Voigt ត្រូវបានគេជួលឲ្យចាត់ចែងយុទ្ធនាការបោះឆ្នោតឌីជីថលរបស់ EPP ក្នុងឆ្នាំ ២០១៩ ហើយរងការចោទប្រកាន់ថា បានចុះកិច្ចសន្យាការងារមួយចំនួនជាមួយក្រុមហ៊ុនអ៊ីនធឺណិតនៅរដ្ឋ Thuringia ជាថ្នូរនឹងការសូកប៉ាន់។
មន្ត្រី EPP បានបញ្ជាក់ប្រាប់ Politico ថា ការស៊ើបអង្កេតអាល្លឺម៉ង់-បែលហ្ស៊ិក គឺទាក់ទងនឹងបញ្ហារវាងអ្នកម៉ៅការម្នាក់ដែលបានធ្វើការឲ្យ EPP ក្នុងអំឡុងពេលយុទ្ធនាការឆ្នាំ២០១៩ និងអ្នកម៉ៅការបន្តពីនោះនៅក្នុងប្រទេសអាល្លឺម៉ង់” ។
បង្កើតឡើងក្នុងឆ្នាំ១៩៧៦, EPP គឺជាសម្ព័ន្ធអន្តរជាតិនៃបណ្តាគណបក្សប្រជាធិបតេយ្យកណ្តាល និងគ្រីស្ទានមកពីទូទាំងសហភាពអឺរ៉ុប រួមទាំង CDU របស់អាល្លឺម៉ង់, គណបក្សសាធារណរដ្ឋរបស់បារាំង និងគណបក្ស Fine Gael របស់អៀរឡង់ផងដែរ។
ប្រធានគណៈកម្មការអឺរ៉ុបលោកស្រី Ursula von der Leyen និងប្រធានសភាអឺរ៉ុបលោក Roberta Metsola គឺជាសមាជិក ហើយ EPP គឺជាគណបក្សធំបំផុតនៅក្នុងសភាអឺរ៉ុបចាប់តាំងពីឆ្នាំ១៩៩៩មក៕
ប្រែសម្រួល៖ Vann Vann
ប្រភព៖ RT
ចុចអាន៖ បែលហ្ស៊ិក ចាប់ខ្លួនមនុស្ស ៨នាក់ សង្ស័យរៀបគម្រោង វាយប្រហារភេរវកម្ម
ថ្នាក់ដឹកនាំក្រសួងការងារ សម្តែងការកោតសរសើរស្មារតីតស៊ូរបស់នាយទាហានកងពលតូចអន្តរាគមន៍លេខ៧ ដែលបានការពារបូរណភាពទឹកដីកម្ពុជា
ស្ពានខ្ពស់ជាងគេតម្លៃ $២៥ លាន ចាក់បេតុងតភ្ជាប់នៅថ្ងៃនេះ អ្នកដំណើរអាចឈប់ថតរូបនៅចំកណ្ដាលស្ពាន
ផ្ទុះរឿងអាស្រូវផ្លូវច្បាប់ផ្ទួនៗ បវរកញ្ញាវៀតណាម Thuy Tien ប្រឈមដកហូតមកុដដ៏អាម៉ាស់
អតីតលំដាប់រងទី១ MQC 2023 ជា ដេវីណា ប្រកាសវិលមកដណ្ដើមមកុដ MUC 2025
វៀតណាមគ្រោងទិញទំនិញអាមេរិកបន្ថែម និងសុំពន្យារពេលពន្ធ ៤៥ ថ្ងៃ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
សេចក្តីជូនដំណឹង ស្តីពី ការងារសាងសង់ផ្លូវភូមិប្រភេទបេតុងអាម៉េ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា