ព័ត៌មានអន្ដរជាតិ

ឆ្នាំ២០២៣ វៀតណាម នៅសល់មហាសេដ្ឋីត្រឹម ៦នាក់

បានផុស

២ years មុន

នៅ

ថ្ងៃពុធ ៥ មេសា ២០២៣

ដោយ

នៅក្នុងបញ្ជីអ្នកមានបំផុតលើពិភពលោកឆ្នាំ២០២៣របស់ទស្សនាវដ្តី Forbes, ប្រទេសវៀតណាម មានមហាសេដ្ឋីចំនួន៦នាក់ ពោលគឺធ្លាក់ចុះពី៧នាក់បើធៀបនឹងឆ្នាំ២០២២។

មហាសេដ្ឋីវៀតណាមទាំង៦នាក់ក្នុងឆ្នាំ២០២៣ (រូបថត៖ VN Express)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាសេដ្ឋីក្នុងស្រុកទាំង៦នាក់ក្នុងឆ្នាំនេះរួមមាន៖

ប្រធានក្រុមហ៊ុនឯកជន Vingroup លោក Pham Nhat Vuong (មានទ្រព្យសម្បត្តិ៤.៣ពាន់លានដុល្លារ)
នាយកប្រតិបត្តិក្រុមហ៊ុន VietJet Air លោកស្រី Nguyen Thi Phuong Thao (មានទ្រព្យសម្បត្តិ២.២ពាន់លានដុល្លារ)
ប្រធានក្រុមហ៊ុនផលិតដែកថែប Hoa Phat លោក Tran Dinh Long (មានទ្រព្យសម្បត្តិ១.៨ពាន់លានដុល្លារ)
ប្រធានធនាគារ Techcombank លោក Ho Hung Anh (មានទ្រព្យសម្បត្តិ១.៥ពាន់លានដុល្លារ)
ប្រធានក្រុមហ៊ុន Truong Hai Auto Company (Thaco) លោក Tran Ba Duong (មានទ្រព្យសម្បត្តិ១.៥ពាន់លានដុល្លារ)
ប្រធានក្រុមហ៊ុន Masan លោក Nguyen Dang Quang (មានទ្រព្យសម្បត្តិ១.៣ពាន់លានដុល្លារ)

ក្នុងឆ្នាំនេះ ប្រធានក្រុមហ៊ុនអភិវឌ្ឍន៍អចលនទ្រព្យ Nova Group លោក Bui Thanh Nhon មិនត្រូវបានដាក់បញ្ចូលក្នុងបញ្ជីទេ។ លោកបានជាប់ក្នុងបញ្ជីនេះជាលើកដំបូងកាលពីឆ្នាំមុន ដែលមានទ្រព្យសកម្មសរុបចំនួន ២.៩ ពាន់លានដុល្លារ។

គួរបញ្ជាក់ថា យោងតាមទស្សនាវដ្តី ឆ្នាំនេះ ពិភពលោកមានមហាសេដ្ឋីចំនួន ២៦៤០នាក់ តិចជាងឆ្នាំមុន២៨នាក់។ សរុបទៅ មហាសេដ្ឋីទាំងនេះមានទ្រព្យសម្បត្តិ១២.២ពាន់ពាន់លានដុល្លារ ធ្លាក់ចុះ៥០០ពាន់លានដុល្លារបើធៀបនឹងឆ្នាំមុន។

អ្នកមានជាងគេបំផុតនៅលើភពផែនដី គឺជាប្រធាននិងជានាយកប្រតិបត្តិក្រុមហ៊ុន LVMH លោក Bernard Arnault ជាមួយនឹងទ្រព្យសម្បត្តិ ២១១ពាន់លានដុល្លារ៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ព្រួយបារម្ភ ក្រោយរកឃើញមនុស្សឆ្លងមេរោគ ពីសត្វជ្រូក