ព័ត៌មានអន្ដរជាតិ

ដឹងទេ ប្រទេសណាចូលសមាជិក អង្គការណាតូ ចុងក្រោយបង្អស់ មុនហ្វាំងឡង់?

បានផុស

២ years មុន

នៅ

ថ្ងៃព្រហស្បតិ៍ ៦ មេសា ២០២៣

ដោយ

បន្ទាប់ពីហ្វាំងឡង់បានក្លាយជាសមាជិកផ្លូវការរបស់អង្គការសន្និសញ្ញាអាត្លង់ទិកខាងជើង ហៅកាត់ថា ណាតូ កាលពីថ្ងៃទី៤ ខែមេសា ឆ្នាំ២០២៣ ធ្វើឲ្យអង្គការមួយនេះកើនសមាជិកឡើងដល់ ៣១ ប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលដែលប្រទេសហ្វាំងឡង់ចូលជាសមាជិកផ្លូវការ, អង្គការណាតូមានសមាជិកសរុបតែ ៣០ ប៉ុណ្ណោះ ហើយសមាជិកចុងក្រោយគេនោះគឺ សាធារណរដ្ឋម៉ាសេដូនីខាងជើង (Republic of North Macedonia) ដែលបានចូលរួមជាមួយគ្រួសារសម្ព័ន្ធភាពយោធាមួយនេះនៅថ្ងៃទី ២៧ ខែមីនា ឆ្នាំ ២០២០ ។

ទន្ទឹមនោះ ការឯកភាព ក៏ដូចជាកិច្ចព្រមព្រៀងគ្នាផ្ដល់សច្ចាប័នឲ្យម៉ាសេដូនីខាងជើង ចូលរួមក្នុងអង្គការណាតូបានកើតមានឡើង បន្ទាប់ពីប្រជាជាតិដែលមានពលរដ្ឋ ១ ពាន់លាននាក់មួយនេះ បញ្ចប់ការដោះស្រាយជម្លោះជាមួយប្រទេសជិតខាង ដែលធ្វើឲ្យប្រទេសក្រិក យល់ព្រមទម្លាក់ការជំទាស់ទាំងអស់សម្រាប់ការចូលជាសមាជិក ។

ដោយឡែក ចំពោះការចូលជាសមាជិកអង្គការណាតូរបស់ហ្វាំងឡង់កាលពីពេលថ្មីៗនេះវិញ គឺព្រោះតែប្រតិបត្តិការសឹករបស់រុស្ស៊ីលើអ៊ុយក្រែនកាលពីឆ្នាំមុន ហើយវាអាចសម្រេចទៅបាន ក៏ដោយសារតែប្រទេសតួកគីបានផ្ដល់សច្ចាប័នជាផ្លូវការទៅឲ្យរដ្ឋមន្ត្រីការបរទេសអាមេរិក លោក Antony Blinken ខណៈប្រមុខអង្គការណាតូលោក Jens Stoltenberg បានអះអាងថា វានឹងធ្វើឲ្យហ្វាំងឡង់មានសុវត្ថិភាព ជាពិសេសសម្ព័ន្ធភាពមួយនេះកាន់តែរឹងមាំផងដែរ ។

គួរបញ្ជាក់ថា ក្រោយពីហ្វាំងឡង់ក្លាយជាសមាជិកថ្មីទី ៣១ របស់អង្គការណាតូរួចហើយ ប្រទេសស៊ុយអែតក៏អាចនឹងចូលរួមជាមួយអង្គការដែលមានបងធំជាអាមេរិក និងអង់គ្លេសនៅប៉ុន្មានខែខាងមុខផងដែរ បន្ទាប់ពីប្រទេសមួយនេះបានដាក់ពាក្យចូលជាសមាជិកក្នុងពេលតែមួយជាមួយហ្វាំងឡង់ ៕