ព័ត៌មានអន្ដរជាតិ
អ៊ីស្រាអែល បើកការវាយប្រហារសងសឹក ខណៈលោក Netanyahu គំរាមសត្រូវ
យន្តហោះអ៊ីស្រាអែល បានវាយប្រហារទីតាំងនានាទូទាំងតំបន់ហ្គាហ្សា នៅព្រឹកព្រលឹមថ្ងៃសុក្រទី០៧ខែមេសា ជាការសងសឹកចំពោះការបាញ់គ្រាប់រ៉ុកកែតសាចដូចគ្រាប់ភ្លៀង ចេញពីប្រទេសលីបង់ ខណៈភាពតានតឹងបន្ទាប់ពីការវាយឆ្មក់របស់ប៉ូលិសលើវិហារឥស្លាម Al-Aqsa ក្នុងទីក្រុង ហ្ស៊េរុយសាឡិមក្នុងសប្តាហ៍នេះ កាន់តែពុះកញ្ជ្រោលឡើង គ្រប់គ្រងលែងបាន។

ការបំផ្ទុះបានអង្រួនតំបន់ហ្គាហ្សា ស្របពេលអ៊ីស្រាអែលនិយាយថា យន្តហោះរបស់ខ្លួនបានវាយប្រហារគោលដៅ រួមទាំងផ្លូវរូងក្រោមដី និងកន្លែងផលិតអាវុធរបស់ក្រុមហាម៉ាស ដែលជាក្រុមឥស្លាមនិយមគ្រប់គ្រងជ្រោយភាគខាងត្បូងផងដែរ។
ការវាយប្រហារកើតឡើង ជាការឆ្លើយតបទៅនឹងការបាញ់រ៉ុកកែតពីប្រទេសលីបង់ ឆ្ពោះទៅកាន់តំបន់ភាគខាងជើងអ៊ីស្រាអែល ដែលមន្ត្រីអ៊ីស្រាអែលស្តីបន្ទោសទៅលើក្រុមហាម៉ាស។
យោធានិយាយថា ក្នុងការវាយប្រហារទ្រង់ទ្រាយធំបំផុតចាប់តាំងពីឆ្នាំ២០០៦, រ៉ុកកែតចំនួន៣៤គ្រាប់ ត្រូវបានបាញ់ចេញពីប្រទេសលីបង់ ដែលក្នុងនោះមាន២៥គ្រាប់ត្រូវស្ទាក់ចាប់បានដោយប្រព័ន្ធការពារដែនអាកាស។

បន្ទាប់ពីកិច្ចប្រជុំគណៈរដ្ឋមន្ត្រីសន្តិសុខ លោកនាយករដ្ឋមន្ត្រី Benjamin Netanyahu បានប្រកាសថា “ការឆ្លើយតបរបស់អ៊ីស្រាអែល នៅយប់នេះនិងពេលក្រោយ នឹងធ្វើឲ្យសត្រូវភ្លឺភ្នែក”។
គួរបញ្ជាក់ថា ការវាយប្រហារឆ្លងដែន បានកើតឡើងចំពេលមានការប្រឈមមុខដាក់គ្នាកាន់តែខ្លាំងឡើង លើការវាយឆ្មក់របស់ប៉ូលិសអ៊ីស្រាអែលនៅឯបរិវេណវិហារឥស្លាម Al-Aqsa ក្នុងទីក្រុងហ្ស៊េរុយសាឡិម ក្នុងអំឡុងខែនៃពិធីបុណ្យរ៉ាម៉ាឌន៕
ប្រែសម្រួល៖ Vann Vann
ប្រភព៖ CNA
ចុចអាន៖ អ៊ីស្រាអែល ប្រាប់ អាមេរិក នៅឲ្យឆ្ងាយ និងកុំចេះលូកលាន់រឿងកំណែទម្រង់ ប្រព័ន្ធតុលាការ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ