ស្លាប់អាកាសយានិកម្នាក់ក្រោយធ្លាក់យន្តហោះចម្បាំងតៃវ៉ាន់ក្នុងសមុទ្រ – Kampuchea Thmey Daily
Connect with us

ព័ត៌មានអន្ដរជាតិ

ស្លាប់អាកាសយានិកម្នាក់ក្រោយធ្លាក់យន្តហោះចម្បាំងតៃវ៉ាន់ក្នុងសមុទ្រ

Published

on

កងទ័ពអាកាសតៃវ៉ាន់បាននិយាយនៅថ្ងៃព្រហស្បតិ៍ ទី២៩ ខែតុលា ថា អាកាសយានិករបស់ខ្លួនម្នាក់បានស្លាប់ បន្ទាប់ពីយន្តហោះចម្បាំងរបស់គាត់បានធ្លាក់នៅឆ្នេរសមុទ្រភាគខាងកើតនៃកោះតៃវ៉ាន់ អំឡុងពេលការហ្វឹកហាត់ជាប្រចាំ ខណៈដែលវាជាហេតុការណ៍ប៉ះពាល់ដល់អាយុជីវិតលើកងទ័ពដែនអាកាសលើកទី ២ ក្នុងរយៈពេល ៣ ខែកន្លងមកនេះ ។

កងទ័ពអាកាសបាននិយាយថា អាកាសយានិកឈ្មោះ Chu Kuang-meng បានហក់ចេញពីយន្តហោះ F-5E បន្ទាប់ពីបានរាយការណ៍ពីបញ្ហាម៉ាស៊ីនមិនដំណើរការភ្លាមៗបន្ទាប់ពីបានហោះឡើង ។

ទន្ទឹមនោះបុរសអាយុ ២៩ ឆ្នាំរូបនេះក៏ត្រូវបានជួយសង្គ្រោះពីសមុទ្រផងដែរ ប៉ុន្តែស្ថិតនៅក្នុងស្ថានភាពសន្លប់ ហើយក្រោយមកលោកត្រូវបានគេរាយការណ៍បានបាត់បង់ជីវិតទៅហើយ ។

ការធ្លាក់នេះបានកើតឡើងនៅពេលដែលសព្វាវុធកងទ័ពអាកាសរបស់កោះតៃវ៉ាន់មានសភាពចំណាស់ និងមិនមានសមត្ថភាពគ្រប់គ្រាន់ត្រូវបង្ខំចិត្តបំពេញនូវការលុកលុយដែលមិនធ្លាប់មានពីមុនមកនៅក្នុងតំបន់ការពាររបស់ខ្លួនពីចិន ។

កោះនេះនិយាយថា ខ្លួនបានពង្រាយយន្តហោះចម្បាំងរបស់ខ្លួនក្នុងអត្រាទ្វេដងនៃឆ្នាំមុនក្នុងកិច្ចប្រឹងប្រែងដើម្បីទប់ស្កាត់ការគំរាមកំហែងពីយន្តហោះរបស់ចិន ខណៈយន្តហោះ F-5E គឺជាយន្តហោះជំនាន់ចាស់ដែលមានការរចនាតាំងពីទសវត្សឆ្នាំ ១៩៦០ មកម្ល៉េះ ។

ស្របពេលជាមួយគ្នានេះនាយសេនាធិការកងទ័ពអាកាសលោក Huang Chih-wei បានប្រាប់អ្នកយកព័ត៌មានថា ក្រោយពីហេតុការណ៍នេះកើតឡើង យន្តហោះចម្បាំង F-5E ទាំងអស់ត្រូវបានចុះចតក្នុងមូលដ្ឋានសាជាថ្មីដើម្បីត្រួតពិនិត្យសុវត្ថិភាព ។

គួររម្លឹកផងដែរថា កាលពីខែកក្កដា សមាជិកនាវិក ២ នាក់បានស្លាប់នៅក្នុងហេតុការណទធ្លាក់ឧទ្ធម្ភាគចក្រមួយគ្រឿង នៅពេលយោធាតៃវ៉ាន់បានធ្វើសមយុទ្ធនៅទូទាំងកោះរួមទាំងការវាយលុកឆ្នេរសមុទ្រមួយកន្លែងពីប្រទេសចិនផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុច Like Facebook កម្ពុជាថ្មី

ព័ត៌មានជាតិ6 hours ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ6 hours ago

ក្មេងទំនើងមួយក្រុម​ ខឹង​ស៊ីផ្លេ​សុំផ្លូវ យក​ដុំថ្មគប់បែក​កញ្ចក់​ឡាន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ7 hours ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ7 hours ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ8 hours ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានពេញនិយម