ព័ត៌មានអន្ដរជាតិ
WTO ព្រមានឲ្យពិភពលោក ត្រៀមខ្លួនចំពោះការឡើងថ្លៃម្ហូបអាហារ
ក្នុងរបាយការណ៍ទស្សនវិស័យពាណិជ្ជកម្មសកល ដែលចេញផ្សាយនៅសប្តាហ៍នេះ អង្គការពាណិជ្ជកម្មពិភពលោក (WTO) បានប៉ាន់ស្មានថា តម្លៃម្ហូបអាហារបានកើនឡើង១៨% នៅទូទាំងពិភពលោកកាលពីឆ្នាំមុន ខណៈតម្លៃគ្រាប់ធញ្ញជាតិកើនឡើង២១%។

យោងតាមស្ថាប័នពាណិជ្ជកម្ម តម្លៃជីគឺបានកើនឡើងខ្ពស់ជាងគេដល់ទៅ ៦៣% ហើយ WTO កត់សម្គាល់ថា តម្លៃជីកាន់តែថ្លៃ អាចនាំឲ្យការធ្វើស្រែចម្ការ និងការដាំដុះដំណាំថយចុះ ជាហេតុនាំឲ្យតម្លៃហក់ឡើង។
អង្គការនេះក៏បានកត់សម្គាល់ផងដែរថា តម្លៃម្ហូបអាហារបានប្រែប្រួលយ៉ាងខ្លាំងនៅឆ្នាំ២០២២ ដោយដំបូងបានលោតឡើង១៩% នៅចន្លោះខែមករាដល់ខែឧសភា បន្ទាប់ពីការចាប់ផ្តើមប្រតិបត្តិការយោធារបស់រុស្ស៊ីនៅអ៊ុយក្រែន ប៉ុន្តែបន្ទាប់មកបានធ្លាក់ចុះវិញនៅចន្លោះខែឧសភាដល់ខែធ្នូ។

ស្របពេលជាមួយគ្នានោះ WTO បានព្រមានថា ថ្វីបើការផ្គត់ផ្គង់ស្បៀងជាសកល មានភាពមិនជាក់លាក់ ដោយសារវិបត្តិអ៊ុយក្រែនក៏ដោយ ប៉ុន្តែវានៅតែជាហេតុផលគួរឲ្យព្រួយបារម្ភ។ យោងតាមការគណនារបស់ខ្លួន, បរិមាណនៃការជួញដូរស្រូវសាលីពិភពលោក បានធ្លាក់ចុះប្រហែល៧,៥% ចាប់តាំងពីឆ្នាំ២០២១មក។
អគ្គនាយក WTO លោកស្រី Ngozi Okonjo-Iweala បានអំពាវនាវដល់ប្រទេសដែលមានសេដ្ឋកិច្ចអភិវឌ្ឍន៍ ឲ្យមានការប្រុងប្រយ័ត្នចំពោះសញ្ញានៃវិបត្តិស្បៀងអាហារដែលបង្កឲ្យមានភាពអត់ឃ្លាននៅក្នុងប្រទេសក្រីក្រ។
លោកស្រីក៏បានព្រមានផងដែរថា ពាណិជ្ជកម្មសកលទំនងជានៅតែស្ថិតក្រោមសម្ពាធពីកត្តាខាងក្រៅក្នុងឆ្នាំ២០២៣។ ទាំងនេះរួមមានវិបត្តិនៅអ៊ុយក្រែន និងភាពតានតឹងភូមិសាស្ត្រនយោបាយផ្សេងទៀត អតិផរណា និងផលប៉ះពាល់នៃការរឹតបន្តឹងគោលនយោបាយរូបិយវត្ថុ៕
ប្រែសម្រួល៖ Vann Vann
ប្រភព៖ RT

-
ព័ត៌មានអន្ដរជាតិ៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៨ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?