បុរសម្នាក់នៅ ចិន បន្លាចមាន់អ្នកជិតខាងងាប់អស់ ១១០០ ក្បាល ត្រូវកាត់ទោសជាប់គុកកន្លះឆ្នាំ

ខឹងអ្នកជិតខាងកាប់ដើមឈើរបស់ខ្លួនចោលដោយគ្មានការអនុញ្ញាត លោក Gu បានសម្រេចចិត្តចូលទៅកសិដ្ឋានមាន់របស់គេវិញរួចបន្លាចពួកវាដល់ថ្នាក់ជាន់គ្នាងាប់ពេញរោងជាង ១០០០ ក្បាល ។

ជាការសងសឹកលោក Gu ដែលមកពីស្រុក Hengyang ខេត្តហ៊ូណាន ភាគកណ្ដាលខាងត្បូងរបស់ប្រទេសចិនបានលួចចូលទៅក្នុងកសិដ្ឋានចិញ្ចឹមមាន់របស់លោក Zhong ជាច្រើនដងនាពេលរាត្រី ។ ពេលនោះគ្មាននរណាដឹងពីគោលបំណងរបស់លោក Gu ឡើយ ប៉ុន្តែតុលាការនៅស្រុក Hengyang ឮថាជនបង្កបានប្រើពិលដើម្បីបង្អើលមាន់ដែលជាហេតុធ្វើឲ្យពួកវាហើរជាន់គ្នាងាប់អស់ ៤៦០ ក្បាល ។

ចំណែកលោក Zhong វិញទទួលបានប្រាក់សំណង ៣ ពាន់យ័នបញ្ចប់រឿងក្ដី ធ្វើឲ្យលោក Gu កាន់តែមិនអស់ចិត្តចំពោះបញ្ហានេះព្រោះគាត់ក៏ធ្លាប់រងគ្រោះដែរ ។ 

ជាលើកទីពីរលោក Gu បានប្រព្រឹត្តរឿងដដែល ហើយលើកនេះងាប់មាន់អស់ ៦៤០ ក្បាលឯណោះ សរុប ១១០០ ក្បាលតម្លៃ ១៣,៨៤០ យ័នទើបតុលាការកាត់ក្ដីឲ្យគាត់ជាប់គុក ៦ ខែនិងស្ថិតនៅក្រៅឃុំមួយឆ្នាំពេញទៀតផង ៕

ប្រភព ៖ tnp

ចុចអាន ៖ បន្ទាប់ពីម្ចាស់ស្លាប់ សុនខមួយក្បាលនៅអង់គ្លេសក្លាយជាសត្វប្រមឹក