ព័ត៌មានអន្ដរជាតិ
FBI ព្រមាន កុំឲ្យសាកថ្មទូរស័ព្ទ នៅទីសាធារណៈ
FBI បានជំរុញជនជាតិអាមេរិក នៅឲ្យឆ្ងាយពីកន្លែងសាកថ្មទូរស័ព្ទដោយឥតគិតថ្លៃនៅតាមព្រលានយន្តហោះ សណ្ឋាគារ និងទីតាំងសាធារណៈផ្សេងទៀត ដោយនិយាយថា កន្លែងទាំងនោះ អាចប្រើដើម្បី Hack ចូលឧបករណ៍របស់ពលរដ្ឋ និងអាចគំរាមកំហែងដល់ភាពឯកជន។
ថ្វីបើគេមិនច្បាស់ថាតើមានរឿងអ្វីទើប FBI ចេញការណែនាំនេះក៏ដោយ ប៉ុន្តែការិយាល័យ FBI នៅទីក្រុង Denver កាលពីពេលថ្មីៗនេះ បានលើកឡើងអំពីករណីប្រឆាំងនឹងកន្លែងសាកថ្មសាធារណៈ ដូចការណែនាំនៅលើគេហទំព័ររបស់ FBI ដែរ។
FBI ប្រកាសថា “សូមចៀសវាងការប្រើស្ថានីយសាកថ្មដោយឥតគិតថ្លៃនៅតាមព្រលានយន្តហោះ សណ្ឋាគារ ឬមជ្ឈមណ្ឌលផ្សារទំនើប។ មនុស្សអាក្រក់ បានស្វែងរកវិធីប្រើប្រាស់រន្ធ USB សាធារណៈ ដើម្បីបញ្ចូលមេរោគ និង Software ត្រួតពិនិត្យចូលទៅក្នុងឧបករណ៍នានា”។
គួរបញ្ជាក់ថា FBI មិនមែនជាភ្នាក់ងារសហព័ន្ធតែមួយ ដែលចេញការព្រមានអំពីឆ្នាំងសាកទូរស័ព្ទនោះទេ។ ដោយឡែក គណៈកម្មការទំនាក់ទំនងសហព័ន្ធ (FCC) ក៏អះអាងដែរថា កម្មវិធីបង្កមេរោគអាចប្រើ USB ដើម្បីផ្ទេរវីរុសទៅឧបករណ៍របស់អ្នកប្រើ ដែលវិធីសាស្រ្តនេះត្រូវបានគេឲ្យឈ្មោះថា Juice Jacking”។ មេរោគបែបនេះ អាចចូលមើលទិន្នន័យរសើប រួមទាំងពាក្យសម្ងាត់ផងដែរ។
ទោះបីជាយ៉ាងណាក៏ដោយ ទូរស័ព្ទមួយចំនួន រួមទាំង iPhone ខ្លះផងដែរ មានប្រព័ន្ធការពារប្រឆាំងនឹងការវាយប្រហារដោយ “Juice Jacking”។ iPhone ទាំងនោះបានព្រមានអ្នកប្រើប្រាស់អំពីតំណរភ្ជាប់ដែលមិនគួរឲ្យទុកចិត្ត ប៉ុន្តែមេរោគដែលកាន់តែទំនើបនេះ អាចរំលងការជូនដំណឹងព្រមានទាំងនោះបាន៕
ប្រែសម្រួល៖ Vann Vann
ប្រភព៖ RT
ចុចអាន៖ FBI ចេញមុខអះអាងថា វីរុសកូវីដ១៩ ទំនងធ្លាយចេញពីមន្ទីរពិសោធន៍ចិន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា