ព័ត៌មានអន្ដរជាតិ

អ្នកក្រុងឈៀងម៉ៃ ប្តឹងរដ្ឋាភិបាលថៃ ជុំវិញវិបត្តិការបំពុលបរិយាកាស

បានផុស

២ years មុន

នៅ

ថ្ងៃអង្គារ ១១ មេសា ២០២៣

ដោយ

Sok Sovann

អ្នកក្រុងឈៀងម៉ៃ បានប្តឹងរដ្ឋាភិបាលថៃ ពីបទធ្វេសប្រហែសរយៈពេលជាច្រើនឆ្នាំ មិនព្រមដោះស្រាយបញ្ហាបំពុលបរិយាកាសក្នុងតំបន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃចន្ទទី១០ខែមេសា អ្នកក្រុងឈៀងម៉ៃប្រហែល១៧០០នាក់ បានដាក់ពាក្យបណ្តឹងទៅតុលាការរដ្ឋបាលប្រឆាំងនឹងលោកនាយករដ្ឋមន្ត្រី ប្រាយុទ្ធ ចាន់អូចា និងភ្នាក់ងាររដ្ឋចំនួនពីរ ចំពោះការខកខាន មិនដោះស្រាយផ្សែងអ័ព្ទក្រាស់ប្រចាំឆ្នាំដែលគ្របដណ្តប់តំបន់នេះ។

មនុស្សប្រហែល៦០នាក់បានប្រមូលផ្តុំគ្នានៅតុលាការរដ្ឋបាលក្នុងខេត្តភាគខាងជើងមួយនេះ ដើម្បីចាប់ផ្តើមដំណើរការផ្លូវច្បាប់ប្រឆាំងនឹងលោកនាយករដ្ឋមន្ត្រី ប្រាយុទ្ធ, ក្រុមប្រឹក្សាបរិស្ថានជាតិ និងគណៈកម្មការមូលបត្រ ខណៈដើមបណ្ដឹងអះអាងថា ផ្សែងអ័ព្ទកំពុងធ្វើឲ្យអាយុជីវិតរបស់ពួកគេថយចុះប្រមាណ៥ឆ្នាំ។

នាយករដ្ឋមន្ត្រីថៃ លោក ប្រាយុទ្ធ ចាន់អូចា (រូបថត៖ Bangkok Post)

ពួកគេចោទថា អង្គភាពទាំងនេះ បានធ្វេសប្រហែសចំពោះកាតព្វកិច្ច ក្នុងការប្រើប្រាស់អំណាចរបស់ខ្លួន ដើម្បីដោះស្រាយបញ្ហាផ្សែងអ័ព្ទនៅភាគខាងជើងប្រទេសថៃ។

ស្របពេលជាមួយគ្នានោះ ដើមបណ្តឹងបានបញ្ជាក់ច្បាស់ៗថា ទីតាំងធ្វើកសិកម្មចុះកិច្ចសន្យា គឺជាមូលហេតុចម្បងនៃការបំពុលបរិយាកាសយ៉ាងធ្ងន់ធ្ងរ។

គួរបញ្ជាក់ថា កាលពីឆ្នាំ២០១៣ កម្មកររោងចក្រមួយក្រុមនៅប្រទេសថៃ បានឈ្នះក្តីលើរដ្ឋាភិបាលពីបទមិនបានការពារសិទ្ធិកម្មករ ហើយកាលពីឆ្នាំ២០១៧ អ្នកនេសាទមួយក្រុមបានឈ្នះក្តីលើរដ្ឋាភិបាលចំពោះការខកខានក្នុងការការពារសិទ្ធិរបស់ពួកគេ ក្នុងការនេសាទនៅដែនទឹកថៃ។ ចំណែកក្នុងឆ្នាំ២០១៨ អ្នកភូមិមួយក្រុមបានប្តឹងរដ្ឋាភិបាលពីបទមិនផ្តល់ទឹកស្អាតដល់ពួកគេ៕

ប្រែសម្រួល៖ Vann Vann

ប្រភព៖ Thaiger

ចុចអាន៖ កម្រិតខ្យល់ពុលធ្ងន់ធ្ងរនៅ ឈៀងម៉ៃ បណ្តាលឲ្យមនុស្សជាង ១ម៉ឺននាក់ ត្រូវបញ្ជូនទៅមន្ទីរពេទ្យ