ព្យុះ​ខ្សាច់ និងខ្យល់​ពុល​ដ៏​គ្រោះថ្នាក់​ វាយប្រហារ​ទីក្រុង​ ប៉េកាំង​

ប្រព័ន្ធផ្សព្វផ្សាយរដ្ឋបានរាយការណ៍ថា ព្យុះខ្សាច់ដ៏ធំ បានវាយប្រហារទីក្រុងប៉េកាំង និងខេត្តមួយចំនួនរបស់ប្រទេសចិន កាលពីថ្ងៃចន្ទនិងថ្ងៃអង្គារ ខណៈអាជ្ញាធរបានព្រមានពលរដ្ឋ អំពីគ្រោះថ្នាក់ផ្លូវដង្ហើម និងកម្រិតមើលឃើញទាបបំផុតនៅពេលធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋធានីប៉េកាំង បានជួបប្រទះការបំពុលខ្យល់ និងព្យុះខ្សាច់មិនទៀងទាត់ក្នុងរយៈពេលប៉ុន្មានសប្តាហ៍កន្លងមកនេះ ហើយកាលពីព្រឹកថ្ងៃអង្គារ ផ្សែងអ័ព្ទ និងពពកពណ៌ប្រផេះ អាចត្រូវបានគេមើលឃើញគ្របដណ្តប់ទីក្រុងនេះ ចំពេលសន្ទស្សន៍គុណភាពខ្យល់របស់ទីក្រុង គឺស្ថិតក្នុងកម្រិតពុលយ៉ាងធ្ងន់ធ្ងរ។

ស្របពេលជាមួយគ្នានោះ មនុស្សត្រូវបានគេឃើញពាក់ម៉ាស ហើយរថយន្តត្រូវគ្របដណ្តប់ដោយធូលី។

ក្រុមសង្កេតការណ៍ឧតុនិយមមជ្ឈិមបានប្រកាសថា ខេត្តនិងតំបន់ចំនួន១១រួមមាន Shaanxi, Shanxi, Hebei, Shandong, Jiangsu, Anhui, Henan និង Hubei, Inner Mongolia និង Shanghai បានរងផលប៉ះពាល់ដោយព្យុះខ្សាច់ និងធូលីរហូតដល់ម៉ោង ៨ព្រឹកថ្ងៃពុធ។

មន្ត្រីរដ្ឋាភិបាលចិននៅក្រសួងអាកូឡូស៊ីនិងបរិស្ថាន បាននិយាយនាពេលថ្មីៗនេះថា ចំនួនព្យុះខ្សាច់ឥឡូវនេះបានកើនឡើងច្រើនជាងកាលពីទសវត្សរ៍ឆ្នាំ១៩៦០ ដល់ទៅ៤ដងឯណោះ៕

ប្រែសម្រួល៖ Vann Vann

ប្រភព៖ NHK, CNA

ចុចអាន៖ ព្យុះខ្សាច់ដ៏ធំ វាយប្រហារទីក្រុងប៉េកាំង និងខេត្តមួយចំនួននៃប្រទេស ចិន