ព័ត៌មានអន្ដរជាតិ

កាំភ្លើងបាញ់ទឹកនៅ ថៃ កំពុងត្រូវប៉ាន់ខ្លាំង មុនថ្ងៃចូលឆ្នាំ

បានផុស

២ years មុន

នៅ

ថ្ងៃពុធ ១២ មេសា ២០២៣

ដោយ

ការលក់កាំភ្លើងបាញ់ទឹកកំពុងត្រូវប៉ាន់ខ្លាំងមុនថ្ងៃចូលឆ្នាំក្នុងប្រទេសថៃ ខណៈប្រជាជនកំពុងត្រៀមខ្លួនសម្រាប់បុណ្យសង្ក្រាន្តដែលប្រារព្ធនៅថ្ងៃព្រហស្បតិ៍ និងបញ្ចប់នៅថ្ងៃចន្ទសប្ដាហ៍ក្រោយ។

យ៉ាងណាមិញ នេះក៏ជាឆ្នាំដំបូងដែរចាប់តាំងពីផ្ទុះជំងឺកូវីដ១៩ ហើយពិធីបុណ្យចូលឆ្នាំថ្មីប្រពៃណីត្រូវបានប្រារព្ធឡើងដោយគ្មានការរឹតត្បិតដូចមុន ស្របពេលដែលមនុស្សបានវិលត្រឡប់មករកជីវិតធម្មតាវិញបន្តិចម្តងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត The Nation កាលពីថ្ងៃច័ន្ទបានធ្វើការស្ទង់មតិទីផ្សារក្នុងសង្កាត់ Wiset Chai Chan នៃខេត្ត Ang Thong ចម្ងាយ១០០ គីឡូម៉ែត្រភាគខាងជើងនៃទីក្រុងបាងកក ហើយរកឃើញថាអាជីវករបានស្តុកទុកនូវកាំភ្លើងបាញ់ទឹក ធុងទឹក និងចានគោមជាច្រើន។ ទីផ្សារនៅទីនេះមានភាពអ៊ូអរជាមួយនឹងអតិថិជនដែលកំពុងស្វែងរកអាវុធ ដើម្បីចូលរួមក្នុងសមរភូមិទឹកនៅចុងសប្តាហ៍នេះ។

អាជីវករក្នុងស្រុកម្នាក់បាននិយាយថា តម្រូវការគឺខ្ពស់ជាលើកដំបូងក្នុងរយៈពេលបីឆ្នាំ។ អតិថិជនកំពុងចូលមើលតូបរបស់គាត់ ដើម្បីទិញកាំភ្លើងបាញ់ទឹកតម្លៃចាប់ពី ៥៩បាតឡើងទៅ អាស្រ័យលើទំហំ និងលក្ខណៈពិសេស។

ទោះយ៉ាងណាអាជ្ញាធរទេសចរណ៍នៃប្រទេសថៃរំពឹងថា នឹងអាចទទួលបានប្រាក់ចំណូលចំនួន ១៣.៥ ពាន់លានបាតពីវិស័យទេសចរណ៍ក្នុងស្រុកក្នុងអំឡុងពេលថ្ងៃឈប់សម្រាកបុណ្យសង្រ្កាន្តឆ្នាំនេះកើនឡើង ២២% ពី ១១ពាន់លានបាតកាលពីឆ្នាំមុន។ ទីភ្នាក់ងារទេសចរណ៍ក៏បានប៉ាន់ប្រមាណដែរថា ប្រជាជនថៃនឹងធ្វើដំណើររហូតដល់ ៣.៨ លាននាក់ទៅកាន់កន្លែងទាក់ទាញក្នុងស្រុកក្នុងពិធីបុណ្យកើនឡើង ១៤% ពីចំនួន ៣.៣៤ លាននាក់កាលពីឆ្នាំមុន៕