ព័ត៌មានអន្ដរជាតិ

ជប៉ុន ផ្ដល់គ្រឿងចក្រធុនធ្ងន់ឲ្យ អ៊ុយក្រែន ដើម្បីបោសសម្អាតកម្ទេចកម្ទីពីសង្គ្រាមជាមួយ រុស្ស៊ី

បានផុស

២ years មុន

នៅ

ថ្ងៃពុធ ១២ មេសា ២០២៣

ដោយ

ជប៉ុនបានផ្តល់គ្រឿងចក្រធុនធ្ងន់ចំនួន ៧ គ្រឿងដល់អ៊ុយក្រែន ដើម្បីជួយបោសសម្អាតកម្ទេចកម្ទីអគារដែលត្រូវបានបំផ្លាញក្នុងសង្គ្រាមជាមួយរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីប្រគល់នេះធ្វើឡើងកាលពីថ្ងៃអង្គារក្នុងទីក្រុង Irpin ជិតរដ្ឋធានីកៀវ ដែលមានការចូលរួមពីឧបនាយករដ្ឋមន្ត្រីអ៊ុយក្រែនលោក Oleksandr Kubrakov និងឯកអគ្គរដ្ឋទូតជប៉ុនប្រចាំនៅអ៊ុយក្រែនលោក Matsuda Kuninori រួមជាមួយអ្នកតំណាងមកពីទីភ្នាក់ងារសហប្រតិបត្តិការអន្តរជាតិជប៉ុនផងដែរ ។

លោកឯកអគ្គរដ្ឋទូត Matsuda និយាយថា ប្រទេសជប៉ុនផ្តល់ការគាំទ្រទាំងនេះដល់អ៊ុយក្រែន ដោយសារតែធ្លាប់មានបទពិសោធន៍របស់ខ្លួនក្នុងការស្តាររចនាសម្ព័ន្ធឡើងវិញពីគ្រោះមហន្តរាយដូចជា ការរញ្ជួយដី និងរលកយក្សស៊ូណាមិឆ្នាំ ២០១១ ជាដើម ហើយលោកក៏បានបង្ហាញក្តីសង្ឃឹមចំពោះការកសាងប្រទេសអ៊ុយក្រែនឡើងវិញឲ្យបានឆាប់តាមដែលអាចធ្វើទៅបានផងដែរ ។

ស្របពេលជាមួយគ្នានេះ ជប៉ុនក៏គ្រោងនឹងផ្តល់គ្រឿងចក្រធុនធ្ងន់ចំនួន ១០ គ្រឿងបន្ថែមទៀតដល់ទីក្រុង Irpin និងតំបន់ផ្សេងទៀតរបស់អ៊ុយក្រែន រួមទាំងតំបន់ភាគខាងត្បូងនៃទីក្រុង Kherson ផងដែរ ប៉ុន្តែទោះបីជាស្ថិតនៅក្នុងក្រុមប្រទេស G7 ក៏ដោយ តែជប៉ុនមិនទាន់បានបញ្ជូនជំនួយសព្វាវុធដល់អ៊ុយក្រែននៅឡើយទេ ។

គួរបញ្ជាក់ថា ទីក្រុង Irpin ដែលនៅក្បែរក្រុងកៀវ ស្ថិតក្នុងចំណោមតំបន់ដែលហេដ្ឋារចនាសម្ព័ន្ធជាច្រើនត្រូវបានបំផ្លាញដោយការវាយប្រហារដ៏ខ្លាំងក្លាពីសំណាក់ប្រទេសរុស្ស៊ី ៕

ប្រែសម្រួលដោយ ៖ នាង រតនៈ

ប្រភព ៖ NHK

ចុចអាន ៖ អាល្លឺម៉ង់ ខ្ចីដៃ អ៊ុយក្រែន ធ្វើសង្គ្រាមជាមួយ រុស្ស៊ី