ព័ត៌មានអន្ដរជាតិ
កូរ៉េខាងជើង បាញ់មីស៊ីល បង្កឲ្យមានការព្រមានជម្លៀសមនុស្សលើកោះ ហុកកៃដូ
មន្ត្រីយោធាកូរ៉េខាងត្បូងបញ្ជាក់ថា ប្រទេសកូរ៉េខាងជើង បានបាញ់មីស៊ីលផ្លោងមួយគ្រាប់ ឆ្ពោះទៅកាន់សមុទ្រជប៉ុន នៅព្រឹកព្រលឹមថ្ងៃព្រហស្បតិ៍ទី១៣ខែមេសា។

ទោះបីជាយ៉ាងណាក៏ដោយ មន្ត្រីខាងលើមិនបង្ហាញព័ត៌មានលម្អិតអំពីរយៈចម្ងាយ ឬរយៈកម្ពស់របស់មីស៊ីល ឬថាតើវាបណ្តាលឲ្យមានមនុស្សរបួស ឬបង្កការខូចខាតរចនាសម្ព័ន្ធណាមួយឬអត់នោះទេ។
ការបាញ់បង្ហោះ ដែលក៏ត្រូវបញ្ជាក់ដោយរដ្ឋាភិបាលទីក្រុងតូក្យូផងដែរនោះ បានជំរុញឲ្យមន្ត្រីជប៉ុនចេញបញ្ជាជម្លៀសប្រជាជននៅតំបន់ហុកកៃដូ បន្ទាប់ពីគេសង្ស័យថា គ្រាប់ផ្លោងនឹងធ្លាក់នៅជិតទឹកដីភាគខាងជើងមួយនេះ។

សារជូនដំណឹងដែលចេញដោយរដ្ឋាភិបាលនៅពេលនោះ បានព្រមានថា “ត្រូវជម្លៀសជាបន្ទាន់ ចូលទៅបន្ទប់ក្រោមដី។ មីស៊ីលនឹងធ្លាក់ចូលទៅក្នុងសមុទ្រក្បែរកោះហុកកៃដូនៅម៉ោង ៨:០០ ព្រឹក”។
ប៉ុន្តែ ក្រោយមក អាជ្ញាធរជប៉ុនបានដកការជូនដំណឹងវិញ ដោយនិយាយថា ប្រព័ន្ធប្រកាសអាសន្នបានព្យាករខុសដែលថា មីស៊ីលនឹងធ្លាក់នៅជិតកោះនេះ។
គួរបញ្ជាក់ថា នេះគឺជាការបាញ់បង្ហោះមីស៊ីលផ្លោងទី៩ ដែលកូរ៉េខាងជើងអនុវត្តចាប់តាំងពីដើមឆ្នាំ២០២៣មក។ យ៉ាងណា កាលពីឆ្នាំមុន កូរ៉េខាងជើងបានបញ្ចប់ការសាកល្បងមីស៊ីលផ្លោងចំនួន ៣៧គ្រាប់៕
ប្រែសម្រួល៖ Vann Vann
ប្រភព៖ Sputnik
ចុចអាន៖ កូរ៉េខាងជើង បាញ់មីស៊ីលទៅសមុទ្រជប៉ុន មុនកិច្ចប្រជុំ Yoon-Kishida

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ