ឯកសារបែកធ្លាយ៖ សង្គ្រាមរុស្ស៊ី-អ៊ុយក្រែន នឹងអូសបន្លាយហួសឆ្នាំ២០២៣ 

ឯកសាររបស់ក្រសួងការពារជាតិអាមេរិកអាមេរិក ដែលបែកធ្លាយលើអ៊ីនធឺណិត បានបង្ហាញថា សង្គ្រាមពេញទំហឹងរបស់រុស្ស៊ី ប្រឆាំងនឹងអ៊ុយក្រែន កំពុងក្លាយជាជម្លោះអូសបន្លាយដែលនឹងបន្តហួសឆ្នាំ២០២៣ទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកសារមួយក្នុងចំណោមឯកសារចុះថ្ងៃទី២៣ខែកុម្ភៈឆ្នាំ២០២៣ ដែលមានចំណងជើងថា “សមរភូមិសម្រាប់តំបន់ Donbas ទំនងជាឆ្ពោះទៅរកភាពជាប់គាំងពេញមួយឆ្នាំ២០២៣” បានគូសបញ្ជាក់ថា រុស្ស៊ីទំនងជាមិនអាចដណ្តើមយកផ្នែកភាគខាងកើតអ៊ុយក្រែនបានទេ។

អ្នក​សរសេរ​កំណត់​ត្រា​វាយ​តម្លៃ​ចារកម្មបានលើកឡើង​ថា “​យុទ្ធនាការ​​របស់​រុស្ស៊ី​នៅ​ក្នុង​តំបន់ Donbas ទំនង​ជា​ឈាន​ទៅ​រក​ភាព​ជាប់គាំង ​ដែល​រារាំង​ដល់​គោលដៅ​របស់​ទីក្រុងមូស្គូ​ក្នុង​ការ​ដណ្តើម​យក​តំបន់​ទាំង​មូល​នៅ​ឆ្នាំ២០២៣”។

យោងតាមឯកសារដដែល, “យុទ្ធសាស្ត្រទាំងនេះ បានកាត់បន្ថយកម្លាំង និងឃ្លាំងអាវុធរបស់រុស្ស៊ីមួយកម្រិតទៀត ដែលរារាំងដល់ការប្រមូលកម្លាំង ធ្វើឲ្យអង្គភាពរុស្ស៊ីចុះខ្សោយ និងធ្វើឲ្យខូចដល់គោលដៅនៃសង្រ្គាមរបស់ទីក្រុងមូស្គូ ដែលបណ្តាលឲ្យសង្រ្គាមអូសបន្លាយហួសឆ្នាំ២០២៣”។

ឯកសារចារកម្មយោធាអាមេរិកក៏បញ្ជាក់ដែរថា ទាំងរុស្ស៊ីនិងអ៊ុយក្រែន មានភាពធន់នឹងការប្រយុទ្ធកម្រិតមធ្យម ដែលនេះមានន័យថា ភាគីទាំងពីរទំនងជានឹងបន្តការប្រយុទ្ធសម្រាប់ពេលខាងមុខ៕

ប្រែសម្រួល៖ Vann Vann

ប្រភព៖ SKY

ចុចអាន៖ អ៊ុយក្រែន សុំយន្តហោះចម្បាំងពីអាមេរិក ដោយផ្ទាល់