ខ្យល់ពុលនៅថៃ រាលដាលដល់ ២៣តំបន់

នាយកដ្ឋានត្រួតពិនិត្យការបំពុល (PCD) បានរាយការណ៍នៅថ្ងៃព្រហស្បតិ៍ទី១៣ខែមេសាថា កម្រិតខ្យល់ពុល PM2.5 ដ៏ធ្ងន់ធ្ងរ ត្រូវបានកត់ត្រានៅក្នុងតំបន់ចំនួន២៣ ដែលភាគច្រើនគឺស្ថិតនៅប៉ែកខាងជើង ខណៈនៅឈៀងម៉ៃ ខ្យល់ពុល បានឈានដល់កម្រិតអាក្រក់បំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមម៉ោង១១ព្រឹកថ្ងៃព្រហស្បតិ៍ កម្រិតធូលី PM2.5 មានចាប់ពី ៩៨ទៅ២៧៧មីក្រូក្រាមក្នុងមួយម៉ែត្រគូបនៃខ្យល់ នៅភាគខាងជើងក្នុងរយៈពេល២៤ម៉ោង។

ខ្យល់ពុលដ៏គ្រោះថ្នាក់ ត្រូវបានកត់ត្រាក្នុងតំបន់ចំនួន២១ នៅខេត្តភាគខាងជើងដូចជា Chiang Mai, Chiang Rai, Lampang, Lamphun, Mae Hong Son, Nan, Phayao និង Phitsanulok។

ដោយឡែក កម្រិត PM2.5 ឈានដល់កម្រិតពណ៌ក្រហម ក៏ត្រូវបានកត់ត្រាផងដែរក្នុងតំបន់ចំនួនពីរនៅភាគឦសាន ដូចជាក្នុងស្រុក Muang នៃខេត្ត Loei និងស្រុក Muang ក្នុងខេត្ត Nong Khai។

អគ្គនាយក PCD លោក Pinsak Suraswadi បាននិយាយនៅថ្ងៃព្រហស្បតិ៍ថា កម្រិត PM2.5 កំពុងកើនឡើងនៅភាគខាងជើង និងភាគឦសាន ដោយសារតែចំណុចក្តៅនៅក្នុងប្រទេសនេះផ្ទាល់ និងនៅប្រទេសជិតខាង។

ទោះបីជាយ៉ាងណាក៏ដោយ លោកគូសបញ្ជាក់ថា ការបំពុលខ្យល់ត្រូវបានគេរំពឹងថានឹងថយចុះចាប់ពីថ្ងៃអង្គារសប្តាហ៍ក្រោយទៅ ដោយសារតែខ្យល់បក់ខ្លាំងជាងមុន៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ភ្លើងឆេះព្រៃភ្នំនៅថៃ បង្កឲ្យមានការព្រួយបារម្ភ