ព័ត៌មានអន្ដរជាតិ

នេះវីដេអូក្នុងហេតុការណ៍បំផ្ទុះគ្រាប់បែក នៅកន្លែងសុន្ទរកថានាយករដ្ឋមន្ត្រី Kishida Fumio

បានផុស

២ years មុន

នៅ

ថ្ងៃអាទិត្យ ១៦ មេសា ២០២៣

ដោយ

Sonya

កាលពីព្រឹកថ្ងៃសៅរ៍ កន្លងទៅ កើតមានហេតុកាណ៍បំផ្ទុះគ្រាប់បែកផ្សែង នៅកន្លែងថ្លែងសុន្ទរកថារបស់នាយករដ្ឋមន្ត្រីជប៉ុនលោក Kishida Fumio ដែលភ្លាមៗប៉ូលិសបានចាប់ខ្លួនជនសង្ស័យម្នាក់ឈ្មោះ Kimura Ryuji វ័យ ២៤ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយពីសារព័ត៌មាន NHK បានឱ្យដឹងថា នៅម៉ោងប្រហែល ១១:២៩ ព្រឹក នាយករដ្ឋមន្ត្រី Kishida Fumio បានទៅដល់កំពង់ផែ Saikazaki ។ ពេលនោះហ្វូងមនុស្សយ៉ាងច្រើនបានប្រមូលផ្តុំគ្នានៅជិតកំពង់ផែដែលលោក Kishida គ្រោងនឹងថ្លែងសុន្ទរកថា។ ភ្លាមៗមានបុរសធ្វើខ្លួនគួរឱ្យសង្ស័យ ត្រូវបានប៉ូលិសចាប់ក្រៀកជាប់។

ពេលត្រូវចាប់ខ្លួន បុរសជាជនសង្ស័យបានពាក់វ៉ែនតា ម៉ាសមុខ ហើយស្ពាយកាបូបពណ៌ប្រផេះ នៅខាងក្រោយ។ ប្រហែល ៥០វិនាទី បន្ទាប់ពីត្រូវចាប់ខ្លួន ការផ្ទុះដ៏ខ្លាំងមួយបានបន្លឺឡើង នៅជិតកន្លែងនាយករដ្ឋមន្ត្រី Kishida កំពុងឈរ។ រំពេចនោះហ្វូងមនុស្សបានស្រែកយ៉ាងទ្រហឹង និងនាំគ្នារត់ប្រសាច។ មនុស្សម្នាបានចាប់ផ្តើមភៀសខ្លួនចេញពីកន្លែងកើតហេតុ ដោយបានហៅទូរសព្ទឲ្យចាកចេញពីកន្លែងនោះ។ ចំណែកជនសង្ស័យត្រូវបានសមត្ថកិច្ចនាំយកទៅកាន់ប៉ុស្តិ៍នគរបាលមូលដ្ឋាន។

សូមទស្សនាវីដេអូខាងក្រោម!