ព័ត៌មានអន្ដរជាតិ
កូរ៉េខាងត្បូង បាញ់ព្រមាន ក្រោយទូកកូរ៉េខាងជើង ឆ្លងកាត់ព្រំដែនសមុទ្ររបស់ខ្លួន
ទីក្រុងសេអ៊ូល និងព្យុងយ៉ាង កំពុងប្រឈមភាពតានតឹងជាមួយគ្នា ជុំវិញការសាកល្បងមីស៊ីលរបស់កូរ៉េខាងជើងនាពេលថ្មីៗនេះ ខណៈអគ្គសេនាធិការចម្រុះរបស់កូរ៉េខាងត្បូង (JCS) បានបាញ់ និងផ្សព្វផ្សាយការព្រមាន ដើម្បីបណ្តេញទូកល្បាតរបស់កូរ៉េខាងជើង ដែលបានបំពានខ្សែបន្ទាត់ព្រំដែនសមុទ្រនឹងគ្នា។

JCS បាននិយាយនៅក្នុងសេចក្តីថ្លែងការណ៍មួយ នៅថ្ងៃអាទិត្យថា “យោធារបស់យើងរក្សាជំហរប្រយុទ្ធយ៉ាងម៉ឺងម៉ាត់ ខណៈពេលដែលកំពុងឃ្លាំមើលចលនារបស់សត្រូវក្នុងការរៀបចំសម្រាប់ការបង្កហេតុ ដែលអាចកើតមានទាក់ទងនឹងការបំពានព្រំដែនសមុទ្រ ដោយទូកល្បាតរបស់កូរ៉េខាងជើង” ។

ក្នុងអំឡុងពេលប្រតិបត្តិការបាញ់ទូកល្បាតកូរ៉េខាងជើង កាលពីរសៀលថ្ងៃសៅរ៍ម្សិលមិញនេះ នាវិកកូរ៉េខាងត្បូងបានរងរបួសតិចតួច។ ក្រោយមានបញ្ហាប្រឈមគ្នា មន្ត្រីយោធាកូរ៉េខាងត្បូងចាត់ទុកការសាកល្បងមីស៊ីលអន្តរទ្វីប និងការល្បាតទូករបស់កូរ៉េខាងជើងជាការញុះញង់ បង្កឱ្យកើតជម្លោះរីកធំ។

គួរបញ្ជាក់ថា ចាប់តាំងពីទសវត្សរ៍ឆ្នាំ១៩៩០ មក ទីក្រុងព្យុងយ៉ាងបានជំទាស់នឹងព្រំដែនសមុទ្រ NLL ដែលត្រូវបានបង្កើតឡើងនៅចុងបញ្ចប់នៃសង្រ្គាមកូរ៉េឆ្នាំ ១៩៥០-៥៣ ដោយប្រកែកថា វាគួរតែស្ថិតនៅឆ្ងាយទៅភាគខាងត្បូង។
នេះមិនមែនជាលើកទីមួយទេ ដែលការបាញ់ព្រមានបានកើតឡើង ព្រោះកាលពីខែតុលា ឆ្នាំ២០២២ កន្លងទៅ កូរ៉េទាំងពីរធ្លាប់បាញ់ព្រមានគ្នាទៅវិញទៅមក នៅក្នុងដែនទឹកភាគខាងលិច ដោយចោទប្រកាន់គ្នាថា ម្ខាងទៀតបានរំលោភព្រំដែនសមុទ្ររបស់ខ្លួន៕
ប្រែសម្រួល៖ សន្យា
ប្រភព៖ Reuters
ចុចអាន៖ អាល្លឺម៉ង់បិទស្ថានីយចុងក្រោយរបស់ខ្លួន ដើម្បីបញ្ឈប់ការផលិតនុយក្លេអ៊ែរ
ចុចអាន៖ អ៊ុយក្រែន ប្រាប់មូលហេតុមិនទាន់បើកការវាយលុកទៅ រុស្ស៊ី វិញ

-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?