បាតុភូត “សូរ្យគ្រាស​កូនកាត់” ដ៏កម្រ នឹងកើតឡើងនៅចុងសប្តាហ៍នេះ 

សូរ្យគ្រាស​កូនកាត់ ដែលជាព្រឹត្តិការណ៍តារាសាស្ត្រម្តងក្នុងមួយទសវត្សរ៍ នឹងកើតឡើងនៅថ្ងៃព្រហស្បតិ៍ទី២០ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​បានជាគេហៅថា “​សូរ្យគ្រាសកូនកាត់” គឺដោយសារតែវា​កើតឡើង​ ពី​ការរួម​ផ្សំ​រវាង​បាតុភូត​សូរ្យគ្រាស​មួយផ្នែក សូរ្យគ្រាស​ពេញលេញ និង​សូរ្យគ្រាស​រាង​ចិញ្ចៀន ដោយ​បន្សល់ទុក​រង្វង់​មូល ​នៅលើ​ព្រះអាទិត្យ។

នេះមានន័យថា មនុស្សនឹងអាចមើលឃើញព្រះអាទិត្យ ត្រូវព្រះចន្ទបាំងស្ទើរតែទាំងស្រុងឬទាំងស្រុងតែម្តង អាស្រ័យលើកន្លែងដែលពួកគេរស់នៅ។

យោងតាម Royal Observatory, ព្រឹត្តិការណ៍ដ៏កម្រនេះ នឹងអាចមើលឃើញពីផ្នែកខ្លះនៃតំបន់អេក្វាទ័រ និងអឌ្ឍគោលខាងត្បូង រួមទាំងអូស្ត្រាលីខាងលិច និងអាស៊ីអាគ្នេយ៍ផងដែរ នៅម៉ោងប្រហែល ១១:៣០នាទីព្រឹក។

គួរបញ្ជាក់ថា បាតុភូតសូរ្យគ្រាសកូនកាត់ចុងក្រោយ គឺបានកើតឡើងក្នុងខែវិច្ឆិកាឆ្នាំ២០១៣ ហើយក្រោយផុតបាតុភូតនៅថ្ងៃព្រហស្បតិ៍នេះ សូរ្យគ្រាសកូនកាត់បន្ទាប់ នឹងកើតឡើងនៅខែវិច្ឆិកាឆ្នាំ២០៣១៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ សូរ្យគ្រាស “Ring of Fire” ដ៏កម្រនឹងធ្វើឲ្យទ្វីបអាហ្វ្រិកនិងអាស៊ីងងឹត