ព័ត៌មានអន្ដរជាតិ
ឯតគ្គកម្មមួយ ត្រូវ Guinness World Records បិទ លែងឲ្យមានអ្នកបំបែក ព្រោះគ្រោះថ្នាក់ខ្លាំងពេក
ក្នុងឆ្នាំ១៩៨៦ លោក Robert McDonald បានបំបែកឯតទគ្គកម្មពិភពលោក សម្រាប់ការមិនគេងយូរបំផុត ដោយគាត់បើកភ្នែកបាន ៤៥៣ម៉ោង ៤០នាទី ពោលគឺជិត១៩ថ្ងៃ។
![](https://www.kampucheathmey.com/wp-content/uploads/2023/04/image-1046.png)
ទោះបីជាយ៉ាងណាក៏ដោយ សមិទ្ធិផលដ៏គ្រោះថ្នាក់នេះ បានជំរុញឲ្យ Guinness World Records បញ្ឈប់លែងឲ្យមានអ្នកប៉ុនប៉ងបំបែក។
នៅលើគេហទំព័ររបស់ខ្លួន Guinness World Records លាតត្រដាងថា គ្មាននរណាម្នាក់ ផ្តួលកំណត់ត្រារបស់ McDonald បានឡើយ ហើយជំរុញមនុស្ស ឲ្យចៀសវាងការប៉ុនប៉ងបែបនេះ ដោយសារតែគ្រោះថ្នាក់ខួរក្បាលធ្ងន់ធ្ងរ ដែលជាប់ទាក់ទងនឹងការគេងមិនលក់។
ត្រលប់ទៅឆ្នាំ១៩៦៣ ក្មេងប្រុសជំទង់ពីរនាក់ មានគំនិតដ៏គ្រោះថ្នាក់នៃការព្យាយាមបំបែកឯតទគ្គកម្មពិភពលោកសម្រាប់ការមិនគេងយូរបំផុត។
![](https://www.kampucheathmey.com/wp-content/uploads/2023/04/image-1049.png)
នៅពេលនោះ កំណត់ត្រានេះ ត្រូវកាន់កាប់ដោយ DJ ម្នាក់នៅទីក្រុង Honolulu ដែលមិនគេងសោះរយៈពេលជិត១១ថ្ងៃ។
យ៉ាងណា សិស្សសាលា Randy Gardner និង Bruce McAllister ចង់សាកល្បងថាតើខួរក្បាលរបស់ពួកគេ នឹងមានប្រតិកម្មយ៉ាងណានៅពេលមិនបានគេងលក់ពេញលេញ។
![](https://www.kampucheathmey.com/wp-content/uploads/2023/04/image-1051.png)
ប៉ុន្តែលោក McAllister បានប្រាប់ BBC ក្នុងឆ្នាំ២០១៨ថា វាជាគម្រោងមួយដែលមនុស្សនឹងសោកស្តាយពេញមួយជីវិតរបស់ពួកគេ។ លោក McAllister ពន្យល់ថា “ខ្ញុំនៅជាមួយ Gardner ដោយមិនគេង ដើម្បីតាមដានគាត់។ ហើយបន្ទាប់ពីគេងមិនលក់អស់បីយប់ ខ្ញុំបានដួលទៅនឹងជញ្ជាំង”។
ក្រោយមក ការស្កែនខួរក្បាល បានរកឃើញថា ខួរក្បាលរបស់ Gardner មានបញ្ហាធ្ងន់ធ្ងរ។ ជាក់ស្តែង Gardner បានបង្ហាញអាការដូចជាមនុស្សលែងវិញ្ញាណនៅក្នុងខ្លួន បាត់បង់ការចងចាំរយៈពេលខ្លី គិតអ្វីលែងចេញ ក៏ដូចជាវង្វេងស្មារតីនិងមមើមមាយទៀតផង។
ប៉ុន្តែទោះដឹងថាវាមានគ្រោះថ្នាក់ នៅតែមានមនុស្សជាបន្តបន្ទាប់ព្យាយាមបំបែកកំណត់ត្រានេះ ទើបទីបំផុត Guinness World Records ក៏សម្រេចចិត្ត បិទលែងឲ្យមានអ្នកប៉ុនប៉ងធ្វើបែបនេះតែម្តង៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ កម្ពុជា បំបែក កំណត់ត្រា ពិភពលោក ណា ខ្លះ ពី Guinness World Records?
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត