ក្មេងប្រុសនៅ អាមេរិក ត្រូវពិន័យមិនឲ្យចូលសួនកម្សាន្តមួយឆ្នាំ ក្រោយប៉ងលួចតុក្កតាក្នុងទូហ្គេម

ប៉ូលិសបានរាយការណ៍ថាក្មេងប្រុសអាយុ ១៣ ឆ្នាំម្នាក់ត្រូវគេជួយរំដោះពីក្នុងម៉ាស៊ីនហ្គេមចាប់តុក្កតា ក្រោយវារចូលក្នុងដើម្បីចាប់រង្វាន់ធំ ហើយទីនោះជាសួនកម្សាន្តមួយស្ថិតនៅរដ្ឋ North Carolina ។

យោងតាមអ្នកនាំពាក្យឲ្យសួនកម្សាន្តឈ្មោះ McGarry Weber បាននិយាយថា បុគ្គលិកសួនកម្សាន្តផ្ដល់ដំណឹងឲ្យសមត្ថកិច្ចមកជួយរំដោះក្មេងប្រុសជំទង់ម្នាក់ចេញពីម៉ាស៊ីនហ្គេម Cosmix XL Bonus នៅថ្ងៃអាទិត្យ ទី១៦ ខែមេសា ឆ្នាំ ២០២៣ វេលាម៉ោង ២ រសៀល ដែលម៉ាស៊ីនហ្គេមនោះមានផ្ទុកតុក្កតាជាច្រើនទើបក្មេងចង់បានដល់ថ្នាក់នេះ ។

ចំណែកក្រុមជួយសង្គ្រោះវិញឆ្លើយតបថាពួកគេបានចាក់សោរម៉ាស៊ីនហ្គេមយកក្មេងប្រុសចេញដោយជោគជ័យ ថែមទាំងផ្ដល់នូវការសង្គ្រោះបឋមមុនប្រគល់ជូនអាណាព្យាបាលវិញទៀតផង ។ ជាចុងក្រោយក្មេងប្រុសខាងលើត្រូវខាងសួនពិន័យមិនឲ្យចូលពីបទប៉ុនប៉ងលួចរបស់ពេញមួយឆ្នាំតែម្ដង ៕

ប្រភព ៖ abcnews

ចុចអាន ៖ បុគ្គលល្បីលំដាប់ពិភពលោក ៥ រូប​ ធ្លាប់ខុសវិន័យនៅ Disneyland