ក្បួនរថយន្តទូតអាមេរិក រងការបាញ់ប្រហារនៅ ស៊ូដង់

រដ្ឋមន្ត្រីការបរទេសអាមេរិក លោក Antony Blinken បាននិយាយថា ក្បួនរថយន្តទូតអាមេរិក បានរងការបាញ់ប្រហារនៅក្នុងប្រទេសស៊ូដង់កាលពីថ្ងៃចន្ទទី១៧ខែមេសា ប៉ុន្តែគ្មាននរណាម្នាក់រងរបួសនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានប្រាប់អ្នកយកព័ត៌មាននៅប្រទេសជប៉ុន បន្ទាប់ពីកិច្ចពិភាក្សា G7 ថា “សកម្មភាពនេះគឺព្រហើន​គ្មានកោតក្រែង គ្មានទំនួលខុសត្រូវ ហើយពិតណាស់ វាមិនមានសុវត្ថិភាពទាល់តែសោះ”។

មុននេះ មានសេចក្តីរាយការណ៍ថា ឯកអគ្គរដ្ឋទូតសហភាពអឺរ៉ុបប្រចាំប្រទេសស៊ូដង់ គឺលោក Aidan O’Hara ក៏ត្រូវគេវាយប្រហារផងដែរក្នុងផ្ទះរបស់គាត់ នៅរដ្ឋធានី ខាទុំ។

គួរបញ្ជាក់ថា ការប្រយុទ្ធដណ្តើមអំណាចគ្នា ដ៏សាហាវ ក្នុងប្រទេសស៊ូដង់ បានឈានចូលដល់ថ្ងៃទី៤ហើយ។

យោងតាមអង្គការសហប្រជាជាតិ គិតត្រឹមរសៀលថ្ងៃអង្គារទី១៨ខែមេសា មនុស្សប្រហែល១៨៥នាក់បានស្លាប់ និងជាង១៨០០នាក់បានរងរបួស ដោយការ​វាយ​ប្រហារពី​អាកាស ការ​បាញ់​ផ្លោង និង​ការ​បាញ់​អាវុធ​ធុន​តូចក្នុងទីក្រុង ខាទុំ៕

ប្រែសម្រួល៖ Vann Vann

ប្រភព៖ BBC

ចុចអាន៖ ឯកអគ្គរដ្ឋទូត EU ប្រចាំនៅស៊ូដង់ រងការវាយប្រហារ ខណៈមនុស្សស្លាប់ក្នុងអំពើហិង្សា កើនដល់ជាង១៨០នាក់