ព្យុះខែប្រាំង បង្កការបំផ្លិចបំផ្លាញនៅភាគឦសាន និងខាងត្បូង ប្រទេសថៃ

កាលពីចុងសប្តាហ៍ ព្យុះខែប្រាំង បានបង្កការខូចខាតយ៉ាងដំណំនៅភាគឦសាន និងភាគខាងត្បូងប្រទេសថៃ ដោយបំផ្លាញផ្ទះជិត១៨០០ខ្នង ក្នុងខេត្តចំនួន១០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្យល់ព្យុះនេះ បានបង្កផលប៉ះពាល់ដល់ភូមិចំនួន២៣៥នៅទូទាំងខេត្ត Amnat Charoen, Surin, Chaiyaphum, Sakon Nakhon, Ubon Ratchathani, Udon Thani, Roi Et, Kalasin, Surat Thani និង Nakhon Si Thammarat ដែលបណ្តាលឲ្យខូចខាតផ្ទះសរុប១៧៨១ខ្នង។

បន្ថែមពីលើនេះ ក្រុមមន្ត្រីបានរាយការណ៍ថា ក្នុងចំណោមទូកចំនួន៤៨គ្រឿង ដែលចេញទៅសមុទ្រពីស្រុក Pak Phanang ក្នុងខេត្ត Nakhon Si Thammarat កាលពីចុងសប្តាហ៍កន្លងទៅនេះ មាន១០គ្រឿងបានលិច ដោយសារខ្យល់ព្យុះ។

មនុស្ស៣នាក់ត្រូវបានជួយសង្គ្រោះពីសមុទ្រក្នុងស្រុក Pak Phanang ប៉ុន្តែមនុស្ស​ម្នាក់​ត្រូវ​បាន​គេ​ប្រទះ​ឃើញ​ស្លាប់​នៅ​ស្រុក​ Si Chon ជាហេតុ​ធ្វើឲ្យ​ចំនួន​មនុស្ស​ស្លាប់​ដោយ​ខ្យល់​ព្យុះ ​កើន​ដល់​៣​នាក់​គិត​ត្រឹម​ថ្ងៃ​ចន្ទទី១៧ខែមេសា។

ទោះបីជាយ៉ាងណាក៏ដោយ នៅ Surat Thani សេវាស្រឡាងដឹកអ្នកដំណើរពីដីគោក ទៅកោះសាមុយ និងកោះផាង៉ាន់ គឺមិនមានផលប៉ះពាល់អ្វីទេ ប៉ុន្តែផែចំនួន២ ត្រូវបិទជាការបង្ការទុកជាមុន៕

ប្រែសម្រួល៖ Vann Vann

ប្រភព៖ Thaiger

ចុចអាន៖ អ្នកជំនាញព្រមានថា ថៃ នឹងរងគ្រោះដោយអាកាសធាតុកាន់តែក្តៅខ្លាំង