ព័ត៌មានអន្ដរជាតិ
តម្រុយខ្លះៗនាំឲ្យជនសង្ស័យឈានដល់ការប៉ុនប៉ងធ្វើឃាតនាយករដ្ឋមន្ត្រី ជប៉ុន
ក្រុមអ្នកស៊ើបអង្កេតជប៉ុនបានរកឃើញកំណត់ហេតុ ក៏ដូចជាតម្រុយមួយចំនួនពាក់ព័ន្ធទៅនឹងករណីរបស់ជនសង្ស័យដែលឈានទៅដល់ការប៉ុនប៉ងធ្វើឃាតលោកនាយករដ្ឋមន្ត្រី Fumio Kishida កាលពីថ្ងៃសៅរ៍កន្លងទៅ ។
ការប៉ុនប៉ងធ្វើឃាតរបស់ជនសង្ស័យដែលមានឈ្មោះថា Ryuji Kimura គឺផ្ដើមចេញពីការដាក់ពាក្យបណ្ដឹងមិនបានសម្រេច ពាក់ព័ន្ធនឹងការទាមទារសំណងពីរដ្ឋាភិបាលជប៉ុនកាលពីឆ្នាំមុន បន្ទាប់ពីរងភាពអយុត្តិធម៌រារាំងរូបគេមិនឲ្យឈរឈ្មោះបោះឆ្នោត ។
ជនសង្ស័យវ័យ ២៤ ឆ្នាំរូបនេះបានដាក់ពាក្យប្ដឹងទៅតុលាការក្រុង Kobe ក្នុងខែមិថុនា ឆ្នាំ២០២២ ដោយលើកហេតុផលថា រូបគេត្រូវបានរារាំងមិនឲ្យឈរឈ្មោះក្នុងការបោះឆ្នោតសភាជាន់ខ្ពស់ដែលបានធ្វើឡើងនៅដើមខែកក្កដា ដោយសារតែកត្តាអាយុ ជាពិសេសគឺដោយសារតែជនសង្ស័យមិនអាចតម្កល់ប្រាក់ ៣ លានយ៉េន (២២,៣៦០ ដុល្លារ) ។
កំណត់ហេតុរបស់អ្នកស៊ើបអង្កេតបង្ហាញទៀតថា Kimura មិនអាចឈរឈ្មោះបាននោះទេ ពីព្រោះនៅពេលនោះគាត់ទើបតែមានអាយុ ២៣ ឆ្នាំ ខណៈនៅក្រោមច្បាប់បោះឆ្នោតរបស់ជប៉ុនគឺកំណត់អាយុអប្បបរមា ៣០ ឆ្នាំសម្រាប់អ្នកដែលចង់ឈរឈ្មោះជាសមាជិកសភា ។
ដោយឡែកចំពោះសំណងវិញ, Kimura ទាមទារចំនួន ១០ ម៉ឺនយ៉េន (៧៤៥ ដុល្លារ) ដោយអះអាងពីបញ្ហាផ្លូវចិត្ត ។ ប៉ុន្តែតុលាការបានច្រានចោលករណីសំណងរបស់ជនសង្ស័យនៅក្នុងខែវិច្ឆិកា ប៉ុន្តែក្រោយមកគាត់បានប្តឹងឧទ្ធរណ៍ទៅតុលាការជាន់ខ្ពស់ទីក្រុង Osaka ដែលគ្រោងនឹងចេញសេចក្តីសម្រេចនៅខែក្រោយ ខណៈក្នុងសំណុំរឿងនេះ Kimura នឹងធ្វើជាអ្នកតំណាងខ្លួនឯងផ្ទាល់ ដោយមិនមានមេធាវីជួយឡើយ ។
គួរបញ្ជាក់ថា ជនសង្ស័យត្រូវបានបញ្ជូនទៅព្រះរាជអាជ្ញាកាលពីព្រឹកថ្ងៃចន្ទ ទី១៧ ខែមេសា បន្ទាប់ពីការចាប់ខ្លួននៅកន្លែងកើតហេតុក្នុងទីក្រុងកំពង់ផែនេសាទ Wakayama ភាគខាងលិចកាលពីថ្ងៃសៅរ៍ ក្រោយជនសង្ស័យរូបនេះគប់គ្រាប់បែកផ្សែងសំដៅទៅកាន់លោក Kishida ដែលឈរនៅចម្ងាយ ១០ ម៉ែត្រពីហ្វូងមនុស្សប្រហែល ២០០ នាក់ដែលកំពុងរង់ចាំស្ដាប់សុន្ទរកថា ។
ទោះយ៉ាងណា នៅក្នុងហេតុការណ៍បំផ្ទុះគ្រាប់បែកនោះ លោកនាយករដ្ឋមន្ត្រីត្រូវបានកងអង្គរក្សជម្លៀសចេញដោយមិនមានគ្រោះថ្នាក់អ្វីឡើយ ប៉ុន្តែប៉ូលិសម្នាក់បានរងរបួសស្រាល ហើយក្រៅពីគ្រាប់បែកនោះ ជនសង្ស័យក៏បានដាក់កាំបិទមួយដើមផ្សេងទៀតប្រវែងប្រហែល ១៣ សង់ទីម៉ែត្រនៅក្នុងកាបូបស្ពាយរបស់រូបគេផងដែរ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Japan Times
ចុចអាន ៖ ក្រៅពីគ្រាប់បែក, ជនសង្ស័យប៉ុនប៉ងធ្វើឃាតនាយករដ្ឋមន្ត្រី ជប៉ុន នៅមានអាវុធមួយប្រភេទទៀត
រយៈពេល១០ខែដើមឆ្នាំ២០២៤ សមត្ថកិច្ចនគរបាលយុត្តិធម៌បង្ក្រាបអំពើជួញដូរមនុស្ស និងករណីបៀតបៀនផ្លូវភេទបានចំនួន៤៨នាក់
ក្រោយភ្លៀង មេឃស្រឡះ! លោក ផាត់ ហ៊ន ត្រូវបានរដ្ឋមន្ត្រីក្រសួងព័ត៌មាន និងយុត្តិធម៌ ជួយឱ្យរួចផុតពីបណ្ដឹងព្រហ្មទណ្ឌ
លោក កើត ឆែ ៖ សន្តិភាពគឺជាទ្រព្យសម្បត្តិដែលមិនអាចកាត់ថ្លៃបានយើងមិនត្រូវឱ្យ៥០០ ឆ្នាំមុន វិលត្រឡប់មកវិញទេ
ក្រសួងការងារ និង ក្រុមហ៊ុន HONDA CARS HAKATA CO., LTD ចុះអនុស្សរណៈយោគយល់គ្នា ស្ដីពី “គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត”
លោក សុខ សប្បាយណា ចុះផ្សព្វផ្សាយអំពីព្រឹត្តិការណ៍ «សាទរកម្ពុជា» ដល់និស្សិតជិត៦រយនាក់ នៅសាកលវិទ្យាល័យភូមិន្ទភ្នំពេញ
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
កាដូឆ្នាំថ្មី ម៉ាក់ស្រីនា ចាំចៅយូរពេក ស្វាគមន៍សមាជិកថ្មីខ្លួនឯង ផ្អើលទាំងយប់
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
សន្តិសុខសង្គម១០ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ