ព័ត៌មានអន្ដរជាតិ

បុរសម្នាក់នៅ ចិន ក្រាបសំពះរថយន្តជាការដឹងគុណ ក្រោយជិះអស់រយៈពេល ៨ ឆ្នាំ

បានផុស

២ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

សារព័ត៌មាន scmp បានបង្ហាញពីឃ្លិបវីដេអូមួយកំពុងរីកសាយភាយពាសពេញពេញបណ្ដាញសង្គម បន្ទាប់ពីបុរសម្នាក់មកពីខេត្ត Shandong ភាគខាងកើតនៃប្រទេសចិន ក្រាបលើដីសំពះរថយន្តរបស់ខ្លួនដែលជិះវាអស់រយៈពេលជាង៨ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈឃ្លិបដែលភរិយាថតបានបង្ហាញពីលោក Wang ធ្វើពិធីថ្លែងអំណរគុណចំពោះរថយន្តចាស់របស់គ្រួសារ បន្ទាប់ពីប្រើរយៈពេលប្រាំបីឆ្នាំ ។ ក្នុងឃ្លិបនោះលោកកំពុងលុតជង្គង់នៅមុខរថយន្តពណ៌ស។ បន្ទាប់មកគាត់បានដុតភ្លើងគប់ ហើយក្រាបសំពះនៅពីមុខរថយន្តដោយនិយាយថា ពួកគេត្រូវការទិញរថយន្តថ្មី។ ប៉ុន្តែមុននឹងទិញចង់គោរពរថយន្តចាស់ ដែលនៅជាមួយគ្រួសារអស់រយៈពេល៨ឆ្នាំ ។

លោក Wang និងភរិយារបស់គាត់ក៏បានបង្ហើបប្រាប់ផងដែរ រថយន្តចាស់ជារថយន្តដំបូងគេដែលពួកគេកាន់កាប់។ បើទោះជាវាត្រូវចំណាយពេលយូរដើម្បីសន្សំប្រាក់ទិញ ប៉ុន្តែវាមានតម្លៃខ្លាំងណាស់សម្រាប់ជីវិតលោកនិងក្រុមគ្រួសារ។ ព្រោះការមានរថយន្តនេះធ្វើឲ្យជីវិតរបស់ពួកគេកាន់តែរលូន។ ពួកគេចាត់ទុករថយន្តជាសមាជិកគ្រួសារ ដូចជាសាក្សីនៃពេលវេលា និងការចងចាំ ពីពេលដែលពួកគេគ្រាន់តែជាគូស្នេហ៍ រហូតដល់ជីវិតបច្ចុប្បន្នជាប្ដីប្រពន្ធនឹងគ្នា។

យ៉ាងណាមិញក្រោយឃ្លិបវីដេអូនេះត្រូវបានចែកចាយតាមអ៊ីនធឺណិត មហាជនជាច្រើនហាក់ចាប់អារម្មណ៍នឹងពិធីដ៏ចម្លែកនេះជាខ្លាំង។ ជាមួយគ្នានោះដែរ គ្រប់គ្នាក៏បានចូលមកបញ្ចេញមតិផ្សេងៗគ្នាថា “រឿងនេះមានអត្ថន័យច្រើន! ខ្ញុំចូលចិត្តឡាននោះដែរ” “ខ្ញុំគិតថានេះជាលើកដំបូងហើយ ដែលមានពិធីបែបនេះ វាមិនមែនជាអប្បិយជំនឿទេ វាគ្រាន់តែសម្រាប់ក្រុមគ្រួសារដើម្បីបង្ហាញការដឹងគុណរបស់ពួកគេប៉ុណ្ណោះ”៕