កងកម្លាំង បេឡារុស បញ្ចប់ការហ្វឹកហាត់បាញ់មីស៊ីលមានសមត្ថភាព​នុយក្លេអ៊ែរនៅ រុស្ស៊ី

ក្រសួងការពារជាតិបេឡារុសបានរាយការណ៍កាលពីថ្ងៃសៅរ៍ថា កងកម្លាំងប្រដាប់អាវុធបេឡារុស បានបញ្ចប់ការហ្វឹកហ្វាត់បាញ់ប្រព័ន្ធមីស៊ីលផ្លោងយុទ្ធសាស្ត្រ Iskander-M (TBM) នៅក្នុងប្រទេសរុស្ស៊ី ។

សេចក្តីថ្លែងការណ៍បាននិយាយថា “ការហ្វឹកហ្វឺននេះ កងកម្លាំងបេឡារុសបានហ្វឹកហាត់ជំនាញជាក់ស្តែងក្នុងការត្រៀមលក្ខណៈនៃប្រព័ន្ធមីស៊ីល ធ្វើឲ្យវាសកម្ម និងរៀនបាញ់មីស៊ីលប្រយុទ្ធនេះជាដើម” ។

លើសពីនេះទៅទៀត កងកម្លាំងប្រដាប់អាវុធបេឡារុស ក៏បានរៀនពីរបៀបថែរក្សា និងប្រើប្រាស់ក្បាលគ្រាប់នុយក្លេអ៊ែរយុទ្ធសាស្ត្រនៃប្រព័ន្ធមីស៊ីល Iskander-M ផងដែរ ។

កន្លងមក ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា តាមសំណើរបស់ភាគីបេឡារុស, រុស្ស៊ីនឹងដាក់អាវុធនុយក្លេអ៊ែរយុទ្ធសាស្ត្ររបស់ខ្លួននៅក្នុងប្រទេសនោះ ដើម្បីជាការឆ្លើយតបទៅនឹងសហរដ្ឋអាមេរិក ដែលរក្សាក្បាលគ្រាប់នុយក្លេអ៊ែររបស់ខ្លួនជាយូរមកហើយនៅលើទឹកដីនៃសម្ព័ន្ធមិត្តរបស់ខ្លួន ។

យោងតាមលោក ពូទីន បានឲ្យដឹងថា ទីក្រុងមូស្គូបានចល័តប្រព័ន្ធមីស៊ីល Iskander ដែលមានសមត្ថភាពនុយក្លេអ៊ែរទៅកាន់ទីក្រុង Minsk ហើយនិងកំពុងជួយសមភាគីបេឡារុសក្នុងការជួយជួសជុលយន្តហោះរបស់ពួកគេឡើងវិញផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ អ៊ុយក្រែន ឲ្យសម្ព័ន្ធមិត្តឆ្លងកាត់ “បន្ទាត់ក្រហម” ក្នុងបញ្ហាផ្គត់ផ្គង់អាវុធ