Connect with us

ព័ត៌មានអន្ដរជាតិ

អ៊ីរ៉ង់ ថា អាមេរិក គឺជា “ឪពុកធម៌” របស់ក្រុម ISIS

បានផុស

នៅ

អ្នកនាំពាក្យក្រសួងការបរទេសអ៊ីរ៉ង់លោក Nasser Kanaani បានចាត់ទុកសហរដ្ឋអាមេរិកថាជា “ឪពុកធម៌” និងជាអ្នកបង្កើតក្រុមភេរវករ ISIS ។

លោក Nasser Kanaani
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kanaani បានសរសេរនៅលើបណ្ដាញ Twitter ថា “យើងមិនអាចបិទភ្នែកមើលការពិតនោះទេចំពោះសេចក្ដីថ្លែងការណ៍របស់លោក Robert F. Kennedy ដែលជាក្មួយប្រុសរបស់អតីតប្រធានាធិបតីសហរដ្ឋអាមេរិក John F. Kennedy ដែលនិយាយថា “យើងបានបង្កើតក្រុម ISIS ហើយអាមេរិកគឺជាឪពុកធម៌របស់ ISIS” ។

នៅក្នុងសុន្ទរកថាដែលបានលើកឡើងនៅក្នុងទីក្រុង Boston, លោក Kennedy វ័យ ៦៩ ឆ្នាំបានស្តីបន្ទោសគោលនយោបាយការបរទេសរបស់ប្រទេសលោក និងបានលើកឡើងថា សហរដ្ឋអាមេរិកបានបង្កើតក្រុមភេរវករ ISIS និងជនភៀសខ្លួន ២ លាននាក់ទៅកាន់អឺរ៉ុបដែលបង្កឲ្យមានអស្ថិរភាព” ។

កាលពីខែមុន បន្ទាប់ពីការវាយប្រហារតាមអាកាសរបស់អាមេរិកនៅខេត្ត Deir Ez-Zour ភាគខាងកើតប្រទេសស៊ីរី ដែលបានកើតឡើង ក្រោយការវាយប្រហារដោយយន្តហោះដ្រូនរបស់អ៊ីរ៉ង់ ដែលបានសម្លាប់អ្នកម៉ៅការយោធាអាមេរិក, លោក Kanani បាននិយាយថា ការអះអាងរបស់សហរដ្ឋអាមេរិកក្នុងការប្រយុទ្ធប្រឆាំងនឹងក្រុម ISIS នៅក្នុងប្រទេសស៊ីរី គឺជារឿងមិនពិត ។

អ្នកនាំពាក្យរូបនេះបាននិយាយនៅពេលនោះថា “វត្តមានរបស់អាមេរិកនៅក្នុងប្រទេសស៊ីរីដើម្បីប្រយុទ្ធប្រឆាំងនឹងក្រុម ISIS គឺគ្រាន់តែជាលេសដើម្បីបន្តការកាន់កាប់របស់ខ្លួន និងលួចទ្រព្យសម្បត្តិជាតិ រួមទាំងធនធានថាមពល និងស្រូវសាលីរបស់ប្រទេសស៊ីរីប៉ុណ្ណោះ” ។

ទន្ទឹមនោះ កាលពីខែឧសភាឆ្នាំមុន លោក Mohammad Baqer Qalibaf ប្រធានសភារបស់ប្រទេសអ៊ីរ៉ង់ក៏បានចោទប្រកាន់សហរដ្ឋអាមេរិកផងដែរពីបទ “ប្រើប្រាស់ក្រុម ISIS ដើម្បីបង្កើតអសន្តិសុខ និងការបែកបាក់ជាតិសាសន៍” នៅក្នុងប្រទេសអាហ្វហ្គានីស្ថាន ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អ៊ុយក្រែន ឲ្យសម្ព័ន្ធមិត្តឆ្លងកាត់ “បន្ទាត់ក្រហម” ក្នុងបញ្ហាផ្គត់ផ្គង់អាវុធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

មីនតោន
សន្តិសុខសង្គម១ នាទីute មុន

នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូ​យកទៅឲ្យសមត្ថកិច្ច

ព័ត៌មានជាតិ២០ នាទីutes មុន

លោក សុខ សង្វារ ជំរុញអគ្គនាយកដ្ឋានគ្រប់គ្រងមុខងារសាធារណៈពន្លឿនការរៀបចំកម្រងសេវា និងនីតិវិធីប្រឡងជ្រើសរើសមន្ត្រី

ព័ត៌មានអន្ដរជាតិ៣២ នាទីutes មុន

ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់

ព័ត៌មានជាតិ៤០ នាទីutes មុន

កម្ពុជានឹងមានភ្លៀងកក់ខែ គ្របដណ្តប់លើផ្ទៃដី១០-១៥% ចាប់ពីថ្ងៃទី១៣ ដល់ថ្ងៃទី២០

ព័ត៌មានជាតិ៤៣ នាទីutes មុន

កសិករនៅស្រុកកំរៀង ប្រមូលផលត្របែកម្ដង ១០០ គីឡូក្រាម ពី​ចម្ការ​ត្របែកជាង ៥០០ ដើម

Sokha Hotels

ព័ត៌មានពេញនិយម