ជនស៊ីវិលស្លាប់និងរបួស កើនដល់ជាង ៤០០០នាក់ ក្នុងការប្រយុទ្ធគ្នានៅ ស៊ូដង់

ដោយដកស្រង់ទិន្នន័យពីអង្គការសុខភាពពិភពលោក (WHO), ប៉ុស្តិ៍ទូរទស្សន៍ Al Arabiya បានរាយការណ៍កាលពីថ្ងៃអាទិត្យទី២៣ខែមេសាថា ជនស៊ីវិលចំនួន៤២០នាក់ត្រូវបានសម្លាប់ និងប្រហែល ៣៧០០នាក់រងរបួស ដោយសារការប៉ះទង្គិចគ្នារវាងកងទ័ពស៊ូដង់ និងកងកម្លាំងគាំទ្ររហ័ស (RSF)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះដែរ គណៈកម្មាធិការវេជ្ជបណ្ឌិតស៊ូដង់បានអះអាងថា មនុស្សជាង២ម៉ឺននាក់ ក៏ត្រូវភៀសខ្លួនចេញពីផ្ទះរបស់ពួកគេដែរ។

គួរបញ្ជាក់ថា ស្ថានការណ៍នៅស៊ូដង់ កាន់តែយ៉ាប់យ៉ឺនឡើងៗដោយសារការខ្វែងគំនិតគ្នា រវាងមេបញ្ជាការកងទ័ពលោក Abdel Fattah al-Burhan ដែលជាប្រធានក្រុមប្រឹក្សាអធិបតេយ្យ និងប្រធានកងកម្លាំងគាំទ្ររហ័សលោក Mohamed Hamdan Dagal។

កាលពីថ្ងៃទី១៥ខែមេសា ការប្រយុទ្ធគ្នា បានផ្ទុះឡើងនៅជិតមូលដ្ឋានយោធាមួយក្នុងទីក្រុង ម៉េរ៉ូវ៉ា និង ខាទុំ ហើយ​ក្រសួង​សុខាភិបាល​ស៊ូដង់ បានដាក់ចំនួនមនុស្សស្លាប់ដល់ទៅ​ជាង៦០០នាក់ឯណោះ៕

ប្រែសម្រួល៖ Vann Vann

ប្រភព៖ TASS

ចុចអាន៖ ប្រទេសជាច្រើន ញាប់ដៃញាប់ជើង ជម្លៀសអ្នកការទូតនិងពលរដ្ឋ ចេញពី ស៊ូដង់