គោនៅរដ្ឋតិចសាស់ ងាប់ដោយសារដាច់អណ្ដាតយ៉ាងអាថ៌កំបាំង

អាជ្ញាធរកំពុងស៊ើបអង្កេតរឿងក្ដីគោងាប់ ៦ ក្បាលដែលពួកវាដាច់អណ្ដាតទាំងគ្មានការបង្ហូរឈាមឬសញ្ញានៃការរើបម្រាស់យ៉ាងអាថ៌កំបាំង ។ គោទាំង ៦ ក្បាលស្ថិតនៅរដ្ឋតិចសាសក្នុងទីក្រុង Madison, Brazos និង Robertson County ។

ដំបូងមានអ្នកចិញ្ចឹមសត្វម្នាក់បានរាយការណ៍ថាគាត់ប្រទះ​ឃើញគោ​​ស្នែងវែង​អាយុ​ ៦ ​ឆ្នាំមួយក្បាល​ដេកងាប់​ដោយត្រូវគេកាត់ផ្ដាច់មាត់តែម្ដង។ ជុំវិញមាត់របស់គោមួយចំហៀងនិងអណ្ដាតត្រូវគេអារកាត់ស្មើល្អឥតខ្ចោះ សូម្បីឈាមក៏មិនហូរចេញមកក្រៅដែរ ចំណែកនៅកន្លែងកើតហេតុវិញមិនមានស្លាកស្នាមបាតជើងឬកង់ឡានសោះ ទើបមិនដឹងថានរណាជាអ្នកបង្កហេតុ អ្វីដែលកាន់តែចម្លែកនោះគឺគ្មានសត្វណាហ៊ានមកស៊ីសាកសពគោរាប់សប្ដាហ៍ឯណោះ ។ 

សូមបញ្ជាក់ដែរថា ករណីគោងាប់ទាំង ៦ មានស្ថានភាពដូចគ្នា លើសពីនេះគោ ២ ក្នុងចំណោមគោទាំងអស់ត្រូវគេកាត់ជារង្វង់យករន្ធគូថ និងប្រដាប់បន្តពូជចេញទៀតផង មកទល់បច្ចុប្បន្នរឿងក្ដីចម្លែកខាងលើនៅមិនទាន់ដោះស្រាយរួចរាល់ទេ ៕

ប្រភព ៖ foxnews

ចុចអាន ៖ មកដឹងស្ថានភាពក្ងោក ស ដែលមានតែមួយគត់នៅ អង់គ្លេស ក្រោយត្រូវរថយន្តបុក